ന്യൂദല്‍ഹി: കൊറോണ വൈറസ് (കൊവിഡ് 19) ബാധിച്ച് വിദേശത്ത് കഴിയുന്ന ഇന്ത്യക്കാരുടെ പട്ടിക പുറത്തുവിട്ട് കേന്ദ്ര സര്‍ക്കാര്‍. നിലവില്‍ 276 ഇന്ത്യക്കാര്‍ക്കാണ് കൊറോണ വൈറസ് ബാധ സ്ഥിരീകരിച്ചിരിക്കുന്നതെന്ന് കേന്ദ്രസര്‍ക്കാര്‍ വ്യക്തമാക്കി.
ഇതില്‍ 255 പേര്‍ ഇറാനിലും 12 പേര്‍ UAEയിലുമാണ്. കൂടാതെ, 5 പേര്‍ ഇറ്റലിയിലും ഹോങ്കോ0ഗ്, കുവൈത്ത്, റുവാണ്ട, ശ്രീലങ്ക എന്നിവിടങ്ങളില്‍ ഓരോ വ്യക്തിക്കുമാണ് നിലവില്‍ കൊറോണ വൈറസ് ബാധ സ്ഥിരീകരിച്ചിരിക്കുന്നത്. വിദേശകാര്യ മന്ത്രാലയം ലോക്‌സഭയില്‍ രേഖാമൂലം നല്‍കിയ വിശദീകരണത്തിലാണ് ഈ കണക്കുകള്‍ വ്യക്തമാക്കിയത്.
അതേസമയം, ഇറാനില്‍ നിന്നും ഇന്ത്യാക്കാരെ തിരിച്ചെത്തിക്കാനുള്ള നടപടികള്‍ തുടരുകയാണ്. 53 ഇന്ത്യക്കാരടങ്ങുന്ന നാലാമത്തെ ബാച്ച് തിങ്കളാഴ്ച ഇന്ത്യയിലെത്തിയിരുന്നു. ഇറാനില്‍നിന്ന് ഇതുവരെ 389 പേരെ രാജ്യത്ത് എത്തിക്കാനായെന്നും വിദേശകാര്യ മന്ത്രാലയം അറിയിച്ചു.
പ്രതികരിക്കാൻ ഇവിടെ എഴുതുക: