ഇടുക്കി: കൊവിഡ് 19 പ്രതിരോധവുമായി ബന്ധപ്പെട്ട് മൂന്നാറിലെ കെടിഡിസി ടീകൗണ്ടി ഹോട്ടല് അധികൃതര് വരുത്തിയത് ഗുരുതര വീഴ്ചയാണെന്ന് ചൂണ്ടിക്കാട്ടി ഇടുക്കി ജില്ലാ കളക്ടറുടെ റിപ്പോര്ട്ട്. ഹോട്ടല് മാനേജര്ക്ക് വീഴചയുണ്ടായെന്നും ഇയാള് ട്രാവല് ഏജന്സിക്ക് വേണ്ടി ഒത്താശ ചെയ്തെന്നും ടൂറിസം സെക്രട്ടറിക്ക് ജില്ലാ കളക്ടര് നല്കിയ റിപ്പോര്ട്ടില് വ്യക്തമാക്കിയിട്ടുണ്ട്.
മാര്ച്ച് 13നാണ് ആരോഗ്യ വകുപ്പ് സര്ക്കുലര് ഇറക്കിയത്. എന്നാല് ടീ കൗണ്ടി റിസോര്ട്ടില് ജീവനക്കാര്ക്ക് മതിയായ സുരക്ഷ ഒരുക്കുന്നതിലും വീഴ്ചയുണ്ടായി. സര്ക്കാര് നിര്ദ്ദേശങ്ങള് ലംഘിച്ചു. ജീവനക്കാര്ക്ക് മാസ്കും സാനിറ്റൈസറും മാനേജര് ലഭ്യമാക്കിയില്ലെന്നും റിപ്പോര്ട്ടിലുണ്ട്.
മാനേജര്ക്കെതിരെ നടപടിക്ക് ശുപാര്ശ ചെയ്യുന്ന റിപ്പോര്ട്ടില് ആരോഗ്യ വകുപ്പിന്റെ നിര്ദ്ദേശങ്ങള് സര്ക്കാര് ഉടമസ്ഥതയിലുള്ള ഹോട്ടല് പാലിച്ചില്ലെന്നും പറയുന്നു. നിരീക്ഷണത്തിലുള്ള വിദേശ വിനോദസഞ്ചാരിയുടെ യാത്രയ്ക്ക് കൊവിഡ് നെഗറ്റീവ് സര്ട്ടിഫിക്കറ്റ് ആവശ്യമാണ്. എന്നാല് ബ്രിട്ടീഷ് പൗരന് മൂന്നാര് വിട്ടത് ഈ സര്ട്ടിഫിക്കറ്റ് ഇല്ലാതെയാണെന്നും വിവരങ്ങള് ദിശയെ അറിയിക്കണമെന്ന നിര്ദ്ദേശം പാലിചില്ലെന്നും റിപ്പോര്ട്ടില് പറയുന്നു.
