കോഴിക്കോട്: പോലൂര് പയിമ്പ്രയില് പുരുഷന്റെ മൃതദേഹം കത്തിക്കരിഞ്ഞ നിലയില് കണ്ടെത്തിയ സംഭവത്തില് മരിച്ചത് മലയാളി തന്നെയാണെന്ന് അന്വേഷണ സംഘത്തലവന് ഐ.ജി ജയരാജ്. മരിച്ചയാളുടെ മൃതദേഹാവശിഷ്ടങ്ങള്ക്കായി തെരച്ചില് നടക്കുന്നതിനിടെ മാധ്യമങ്ങളോട് സംസാരിക്കുകയായിരുന്നു ക്രെംബ്രാഞ്ച് ഐ.ജി എ.ജെ ജയരാജ്.
പ്രതികളെന്ന് സംശയിക്കുന്നവരെ തിരിച്ചറിഞ്ഞിട്ടുണ്ട്. ഇവര് നിരീക്ഷണത്തിലാണെന്നും അദ്ദേഹം പറഞ്ഞു. പറമ്പിൽ ബസാർ പോലൂർ പായിമ്പ്ര റോഡിനു സമീപത്തെ ചെറുവറ്റ സായിബാബ ആശ്രമത്തിനടുത്തുള്ള കാടുമൂടിയ പ്രദേശത്ത് നിന്നുമാണ് മൃതദേഹം കണ്ടെത്തിയത്. ഫേഷ്യൽ റീ കൺസ്ട്രക്ഷൻ നടത്തി മുഖ പുനഃസൃഷ്ടിക്കാനുള്ള ശ്രമമാണ് നടത്തുന്നത്.
മുക്കം ഇരട്ടക്കൊലക്കേസുമായി ഈ സംഭവത്തിന് ബന്ധമുണ്ടോയെന്നാണ് പ്രധാനമായും പരിശോധിക്കുന്നത്. ഇരട്ടക്കൊല കേസിലെ പ്രതി ബിർജുവിന്റെ അമ്മയുടെ പേരിലുള്ള സ്ഥലത്താണ് കത്തിക്കരിഞ്ഞ മൃതദേഹം കണ്ടെത്തിയത്.
