കോട്ടയം: മലയാള ടെലിവിഷന്‍ രംഗത്തെ താരങ്ങളെയും അണിയറ ശില്‍പികളെയും ജന്മഭൂമി വീണ്ടും ആദരിക്കുന്നു.2018 ല്‍ ആരംഭിച്ച ദൃശ്യം ടി.വി അവാര്‍ഡിന്റെ തുടര്‍ച്ചയായി മൂന്നാമത് ടെലിവിഷന്‍ അവാര്‍ഡ് നൈറ്റ് കോട്ടയത്ത് നടക്കും. ടെലിവിഷന്‍ ആസ്വാദകരായ വായനക്കാരുടെ അഭിപ്രായ വോട്ടുകളെ ആധാരമാക്കി വിദഗ്‌ദ്ധ ജഡ്ജിംഗ് കമ്മറ്റിയാണ് അവാര്‍ഡ് ജേതാക്കളെ തെരഞ്ഞെടുക്കുന്നത്.
2019ല്‍ വിവിധ മലയാളം ചാനലുകളില്‍ സംപ്രേഷണം ചെയ്ത, കുറഞ്ഞത് 50 എപ്പിസോഡെങ്കിലും പിന്നിട്ട മെഗാ പരമ്പരകളാണ് മത്സരത്തിനായി പരിഗണിക്കുക. സീരിയല്‍, ജനപ്രിയ സീരിയല്‍, സംവിധായകന്‍, തിരക്കഥ, നടന്‍, നടി, ജനപ്രിയ നടന്‍, ജനപ്രിയ നടി, ഹാസ്യനടന്‍, ഹാസ്യനടി, ഹാസ്യ പ്രധാനമുള്ള പരിപാടി, ബാലതാരം എന്നീ അവാര്‍ഡുകളാണ് നല്‍കുക.
മുകളിലെ പരസ്യത്തില്‍ പ്രസിദ്ധീകരിച്ചിട്ടുള്ള പുരസ്‌ക്കാര പത്രികയിലെ ഇനങ്ങളില്‍ വായനക്കാരുടെ അഭിപ്രായം രേഖപ്പെടുത്താം. പൂരിപ്പിച്ച പത്രിക 2020 മാര്‍ച്ച് 15ന് മുമ്പ് 9400955913 എന്ന വാട്‌സ്ആപ്പ് നമ്പരിലോ, [email protected] എന്ന ഇമെയില്‍ അഡ്രസിലോ അയയ്‌ക്കാം. തിരഞ്ഞെടുക്കുന്ന പ്രതിഭകളെ 2020 ഏപ്രിലില്‍ കോട്ടയത്ത് നടക്കുന്ന ദൃശ്യം ടെലിവിഷന്‍ അവാര്‍ഡ് നൈറ്റില്‍ പുരസ്‌കാരം നല്‍കി ആദരിക്കും.
പ്രതികരിക്കാൻ ഇവിടെ എഴുതുക: