ന്യൂദല്ഹി: ദക്ഷിണാഫ്രിക്കക്കെതിരായ ഏകദിന പരമ്പരക്കുള്ള ഇന്ത്യന് ടീമിനെ പ്രഖ്യാപിച്ചു. രോഹിത് ശര്മക്ക് വിശ്രമം അനുവദിച്ചപ്പോള് ഓപ്പണര് ശിഖര് ധവാന്, ഓള്റൗണ്ടര് ഹാര്ദിക് പാണ്ഡ്യ ഫാസ്റ്റ് ബൗളര് ഭുവനേശ്വര് കുമാര് എന്നിവര് തിരിച്ചെത്തി. ദക്ഷിണാഫ്രിക്കക്കെതിരായ മൂന്ന് മത്സരങ്ങളടങ്ങിയ ഏകദിന പരമ്പര മാര്ച്ച് 12ന് ആരംഭിക്കും.
കെ.എല്. രാഹുലിനൊപ്പം വിക്കറ്റ് കീപ്പര് ബാറ്റ്സ്മാന് ഋഷഭ് പന്തും ടീമില് ഇടം പിടിച്ചിട്ടുണ്ട്. കഴിഞ്ഞ ഒക്ടോബറിന് ശേഷം ഇതാദ്യമായാണ് ഹാര്ദിക് പാണ്ഡ്യ ഇന്ത്യന് ടീമിലെത്തുന്നത്. മാര്ച്ച് 12ന് ധര്മ്മശാലയിലും 15ന് ലഖ്നൗവിലും മാര്ച്ച് 18ന് കൊല്ക്കത്തയിലുമാകും മത്സരങ്ങള് നടക്കുക.
ഇന്ത്യന് ടീം: വിരാട് കോഹ്ലി (നായകന്), കെ.എല്. രാഹുല്, മനീഷ് പാണ്ഡെ, ശ്രേയസ് അയ്യര്, ഋഷഭ് പന്ത്, ശിഖര് ധവാന്, പ്രിഥ്വി ഷാ, ഹാര്ദിക് പാണ്ഡ്യ, രവീന്ദ്ര ജഡേജ, ഭുവനേശ്വര് കുമാര്, യുസ്വേന്ദ്ര ചാഹല്, ജസ്പ്രീത് ബുംറ, നവ്ദീപ് സയ്നി, കുല്ദീപ് യാദവ്, ശുഭ്മാന് ഗില്.
