ഏഷ്യാനെറ്റിലെ ബിഗ് ബോസ് ഷോയിലെ മത്സരാര്‍ഥി ഡോ.രജിത് കുമാറിനെ മോശമായി ചിത്രീകരിച്ചുവെന്ന് ആരോപിച്ച് നടന്‍ ടിനി ടോമിനെതിരെ ആരാധകര്‍. ടിനിടോമിന്റെ ഫേസ്ബുക്ക് പേജിലടക്കം സോഷ്യല്‍ മീഡിയയില്‍ രൂക്ഷ വിമര്‍ശനമാണ് ആരാധകരുടെ ഭാഗത്ത് ഉണ്ടായിരിക്കുന്നത്.
ഏഷ്യാനെറ്റ് ഫിലിം അവാര്‍ഡില്‍ ടിനി ടോമിന്റെയും സംഘത്തിന്റെയും സ്‌കിറ്റിലാണ് രജിത്ത് കുമാറിനെ സൂചിപ്പിച്ചുള്ള കഥാപാത്രം സ്ത്രീകളെ കടന്നു പിടിക്കുന്നതായി അവതരിപ്പിച്ചത്. സ്‌കിറ്റില്‍ രജത് കുമാറായി എത്തുന്നത് കലാഭവന്‍ പ്രജോദാണ്.
”അല്പം എങ്കിലും സത്യമായ കാര്യമാണ് അതെങ്കില്‍ ഒരു കുഴപ്പവും ഇല്ലായിരുന്നു. ഇത് ഒരിക്കല്‍ പോലും അദ്ദേഹത്തിന്റെ ഭാഗത്തുനിന്ന് വന്നിട്ടിലാത്ത ഇല്ലാതാകാര്യങ്ങള്‍ പറഞ്ഞു ഒരാളെ ഇങ്ങനെ ചെയ്യാന്‍ പാടില്ലായിരുന്നു. ഇച്ചിരി ഉളുപ്പ് തനിക്കുണ്ടോ”ന്നൊക്കെയാണ് പോസ്റ്റുകള്‍ക്ക് താഴെ പ്രത്യക്ഷപ്പെട്ടിരിക്കുന്ന കമന്റുകള്‍. സംഭവത്തില്‍ ടിനി ടോമിന്റെ ഭാഗത്തുനിന്ന് ഒരു പ്രതികരണവും വന്നിട്ടില്ല. പ്രധാനമന്ത്രി നരേന്ദ്രമോദിക്കെതിരെ മോശം പരാമര്‍ശം നടത്തി മുമ്പും ടിനി ടോം വിവാദത്തില്‍ പെട്ടിരുന്നു.
പ്രതികരിക്കാൻ ഇവിടെ എഴുതുക: