ന്യൂദല്‍ഹി: ദല്‍ഹി മുഖ്യമന്ത്രി അരവിന്ദ് കേജ്രിവാളിന്റെ ട്വീറ്റിനെ രൂക്ഷമായി വിമര്‍ശിച്ച് കേന്ദ്രമന്ത്രി സ്മൃതി ഇറാനി. ആര്‍ക്ക് വോട്ട് ചെയ്യുന്നതാണ് ശരിയെന്ന് പുരുഷന്‍മാരുമായി സ്ത്രീകള്‍ ചര്‍ച്ച ചെയ്യണമെന്ന ട്വീറ്റിനെയാണ് സ്മൃതി വിമര്‍ശിച്ചത്.
ആര്‍ക്ക് വോട്ട് ചെയ്യണമെന്ന് സ്വയം തീരുമാനിക്കാന്‍ സ്ത്രീകള്‍ക്ക് കഴിവുണ്ടെന്ന് താങ്കള്‍ കരുതുന്നില്ലേ എന്ന് സ്മൃതി ചോദിച്ചു. എല്ലാവരും വോട്ട് രേഖപ്പെടുത്തിയെന്ന് ഉറപ്പാക്കണം. പ്രത്യേകിച്ചും എല്ലാ സ്ത്രീകളോടുമാണ് അഭ്യര്‍ഥിക്കുന്നത്. വീടിന്റെ ഉത്തരവാദിത്തം നിങ്ങള്‍ ഏറ്റെടുക്കുന്നത് പോലെ, ദല്‍ഹിയുടേയും രാജ്യത്തിന്റെയും ഉത്തരവാദിത്തം നിങ്ങള്‍ക്കുണ്ട്.
വീട്ടിലെ പുരുഷന്‍മാരെയും കൂട്ടി എല്ലാ സ്ത്രീകളും പോയി വോട്ട് ചെയ്യണം. ആര്‍ക്ക് വോട്ട് ചെയ്യുന്നതാണ് ശരിയെന്ന് പുരുഷന്‍മാരുമായി ചര്‍ച്ച ചെയ്യണമെന്നുമായിരുന്നു കേജ്രിവാളിന്റെ ട്വീറ്റ്.
പ്രതികരിക്കാൻ ഇവിടെ എഴുതുക: