ആറു വര്‍ഷം നീണ്ട ഇടവേളയ്‌ക്കുശേഷം ശോഭനയെ വീണ്ടും മലയാള എത്തിച്ച ‘വരനെ ആവശ്യമുണ്ട്’ എന്ന സിനിമയുടെ ടീസര്‍ പുറത്തിറങ്ങി. സത്യന്‍ അന്തിക്കാടിന്റെ മകന്‍ അനൂപ് സത്യന്‍ സംവിധാനം ചെയ്ത് ദുല്‍ഖര്‍ സല്‍മാന്‍ നിര്‍മ്മിക്കുന്ന സിനിമയിലൂടെയാണ് ശോഭന തിരിച്ചെത്തുന്നത്. ശോഭനയ്‌ക്കു പുറമെ സുരേഷ് ഗോപി, ദുല്‍ഖര്‍ സല്‍മാന്‍, കല്യാണി പ്രിയദര്‍ശന്‍ എന്നിവര്‍ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നു.
90കളിലെ ഹിറ്റ ജോഡിയായ സുരേഷ് ഗോപിയും ശോഭനയും ഏറെ വര്‍ഷങ്ങള്‍ക്കുശേഷം ഒന്നിക്കുവെന്ന പ്രത്യേകതയും ഈ ചിത്രത്തിനുണ്ട്. പ്രേക്ഷകരില്‍ കൗത്തുകമുണര്‍ത്തുന്ന ഒരു ടീസര്‍ തന്നെയാണ് ‘വരനെ ആവശ്യമുണ്ട്’ എന്ന സിനിമയുടെത്. കല്യാണി പ്രിയദര്‍ശന്റെ അഭിനയമാണ് ഏറെ ശ്രദ്ധനേടിയിരിക്കുന്നത്. സന്ദീപ് രാജ്, വഫാ ഖദീജ, ദിവ്യാ മേനോന്‍, അഹമ്മദ്, മീരാ കൃഷ്ണന്‍, സംവിധായകരായ മേജര്‍ രവി, ലാല്‍ ജോസ്, ജോണി ആന്റണി എന്നിവര്‍ മറ്റു കഥാപാത്രങ്ങളാകുന്നു. സന്തോഷ് ശിവന്‍, ജി.വേണുഗോപാല്‍ എന്നിവരുടെ മക്കളും ചിത്രത്തില്‍ അഭിനയിക്കുന്നുണ്ട്.
എം സ്റ്റാര്‍ സാറ്റലൈറ്റ് കമ്യൂണിക്കേഷന്റെ സഹകരണത്തോടെ വേഫാറര്‍ നിര്‍മിക്കുന്ന ഈ ചിത്രത്തിന്റെ ഛായാഗ്രഹണം മുകേഷ് മുരളീധരന്‍ നിര്‍വഹിക്കുന്നു. സന്തോഷ് വര്‍മയുടെ വരികള്‍ക്ക് അല്‍ഫോണ്‍സ് ജോസഫ് സംഗീതം നിര്‍വഹിക്കുന്നു. തൊബി ജോബിയാണ് എഡിറ്റിങ് ചെയ്തിരിക്കുന്നത്.
പ്രതികരിക്കാൻ ഇവിടെ എഴുതുക: