കോഴിക്കോട് : പൗരത്വ നിയമ ഭേദഗതിക്കെതിരെ സുപ്രീംകോടതിയില് സ്യൂട്ട് ഹര്ജി നല്കിയതില് ഗവര്ണര് ആരിഫ് മുഹമ്മദ് സര്ക്കാരിനെ വിമര്ശിക്കുന്നത് ശരിയല്ലെന്ന് കാന്തപുരം അബൂക്കര് മുസലിയാര്. ജനങ്ങള്ക്കു വേണ്ടിയാണ് സര്ക്കാര് കോടതിയെ സമീപിച്ചത്. അതിനാല് വിമര്ശിക്കരുതെന്നും കാന്തപുരം അറിയിച്ചു.
പൗരത്വ നിയമ ഭേദഗതിക്കെതിരെ സംസ്ഥാനം സുപ്രീകോടതിയില് സ്യൂട്ട് ഹര്ജിയില് അറിയിക്കാത്തതിനെ തുടര്ന്ന് ഗവര്ണര് വിശദീകരണം തേടിയിരുന്നു. ഇതിന്റെ പശ്ചാത്തലത്തിലാണ് കാന്തപുരത്തിന്റെ ഈ പ്രതികരണം. അതേസമയം വിഷയത്തില് ചീഫ് സെക്രട്ടറി ടോം ജോസ് രാജ്ഭവനിലെത്തി സര്ക്കാരിന്റെ ഭാഗം വിശദീകരിച്ചെങ്കിലും അത് തൃപ്തികരമല്ലെന്ന് ഗവര്ണര് വ്യക്തമാക്കി.
ചീഫ് സെക്രട്ടറി നല്കിയ വിശദീകരണം എന്തെന്ന് തനിക്ക് പറയാനാകില്ല. പക്ഷേ സുപ്രീംകോടതിയെ സമീപിക്കും മുമ്പ് ഗവര്ണറെ അറിയിക്കണം എന്നതാണ് ഭരണഘടനപരമായ ചട്ടം. അതു ലംഘിച്ച ശേഷം എന്തു വിശദീകരണം നല്കിയാലും അതു തന്നെ തൃപ്തനാക്കില്ല. സര്ക്കാരുമായി വ്യക്തിപരമായി ഒരു പ്രശ്നവുമില്ല. ഗവര്ണര് എന്ന സ്ഥാനത്ത് ഇരുന്നുകൊണ്ടു കേരളത്തില് ഒരു ഭരണഘടന ലംഘനത്തിനും താന് അനുവദിക്കില്ല. സുപ്രീം കോടതിയെ സമീപിച്ചതു തന്നെ നിയമപരമായി തെറ്റാണ്. സംസ്ഥാനത്തെ ഒരു രീതിയിലും ബാധിക്കാത്ത വിഷയമാണ് പൗരത്വ പ്രശ്നമെന്നും ഗവര്ണര് അറിയിച്ചു.
