ന്യൂദല്ഹി : കശ്മീര്, പൗരത്വ നിയമ ഭേദഗതി, ദേശീയ പൗരത്വ രജിസ്റ്റര് എന്നീ വിഷയങ്ങളില് കേന്ദ്ര സര്ക്കാരിന് പിന്തുണച്ച് ഹംഗറി. ഈ വിഷങ്ങളില് കേന്ദ്ര സര്ക്കാരിന്റെ നടപടികള് ഉചിതമാണെന്നും അതിന് പിന്തുണ നല്കുന്നതായും ഹംഗറി വിദേശകാര്യ മന്ത്രി പീറ്റര് സിജിറാറ്റോ അറിയിച്ചു. സ്വകാര്യ മാധ്യമത്തിന് നല്കിയ അഭിമുഖത്തിലാണ് ഇക്കാര്യം അറിയിച്ചത്.
കശ്മീരിന്റെ പ്രത്യേക പദവി റദ്ദാക്കി കേന്ദ്ര ഭരണ പ്രദേശമാക്കിയ നടപടി ആഭ്യന്തര വിഷയമാണ്. ഇന്ത്യയുടെ ആഭ്യന്തര കാര്യങ്ങളില് ഇടപെട്ട് മറ്റുള്ള രാജ്യങ്ങള് പഠിപ്പിക്കാന് പോകുന്നത് നിര്ത്തണമെന്നും അദ്ദേഹം അറിയിച്ചു. ഒരു രാജ്യത്തിന്റെ ആഭ്യന്തര കാര്യങ്ങളില് വിദേശ രാജ്യങ്ങള് ഇടപെടേണ്ട ആവശ്യമില്ല.
സര്ക്കാര് നല്ല തീരുമാനങ്ങള് എടുത്താല് ജനങ്ങള് അവരെ വീണ്ടും തെരഞ്ഞെടുക്കും. മറിച്ച് തീരുമാനം മോശമാണെങ്കില് അവരെ തെരഞ്ഞെടുക്കുകയുമില്ല. ഇതെല്ലാം ഇന്ത്യയിലെ ജനങ്ങള്ക്ക് തന്നെ വിട്ടുകൊടുക്കുകയാണ് വേണ്ടത്. അല്ലെതെ അതില് മറ്റ് രാജ്യങ്ങള് അഭിപ്രായ പ്രകടനം നടത്തുകയല്ല വേണ്ടത്.
അതേസമയം കശ്മീര് സന്ദര്ശിക്കുന്ന യൂറോപ്യന് യൂണിയന് സംഘത്തില് ഹംഗറിയില് നിന്നുള്ള പ്രതിനിധിയെ അയയ്ക്കുന്നതിനായി ഒരു അപേക്ഷയും നല്കിയിട്ടില്ല. ഇന്ത്യയുമായുള്ള നയതന്ത്രബന്ധം ശക്തിപ്പെടുത്താനാണ് ഹംഗറി ഇവിടെ സ്ഥാനപതിയെ നിലനിര്ത്തിയിരിക്കുന്നത്. കശ്മീര് സന്ദര്ശിക്കുന്നത് നയതന്ത്ര ബന്ധത്തിന്റെ ഭാഗമല്ലെന്നും പീറ്റര് കൂട്ടിച്ചേര്ത്തു.
