ന്യൂദല്ഹി: മാധ്യമങ്ങള്ക്കെതിരെ വിവാദ പ്രസ്താവന നടത്തിയ രാജസ്ഥാന് മുഖ്യമന്ത്രിക്കെതിരേ പ്രസ് കൗണ്സില് ഓഫ് ഇന്ത്യയുടെ നടപടി. സര്ക്കാരിന്റെ വാര്ത്തകള് നല്കിയാലെ മാധ്യമങ്ങള്ക്കു പരസ്യം നല്കൂവെന്ന അശോക് ഗെഹ്ലോട്ടിനെതിന്റെ പ്രസ്താവനക്കെതിരെ സ്വമേധയാണ് പ്രസ് കൗണ്സില് നടപടി സ്വീകരിച്ചത്. 2019 ഡിസംബര് 16ന് നടത്തിയ പത്രസമ്മേളനത്തിലാണ് ഗെഹ്ലോട്ട് വിവാദ പരാമര്ശം നടത്തിയത്.
മുഖ്യമന്ത്രി തന്നെ ഇത്തരം പ്രസ്താവനകള് നടത്തുന്നത് ജനാധിപത്യമൂല്യങ്ങള്ക്കു വിരുദ്ധവും മാധ്യമങ്ങളുടെ വിശ്വാസ്യതയെയും സ്വാതന്ത്ര്യത്തെയും ബാധിക്കുന്നതുമാണെന്നും വ്യക്തമാക്കിപ്രസ് കൗണ്സില് രാജസ്ഥാന് ചീഫ് സെക്രട്ടറിക്ക് നോട്ടീസയച്ചു. മറുപടിനല്കാന് മൂന്നാഴ്ചയാണ് പ്രസ് കൗണ്സില് സമയം നല്കിയിരിക്കുന്നത്. ഒരു സബ് ജുഡീഷ്യല് കാര്യമാണ്. അതിനാല് ഇതിനെക്കുറിച്ച് കൂടുതല് അഭിപ്രായം പറയാന് കഴിയില്ലെന്ന് പിസിഐ മേധാവി സി കെ പ്രസാദ് ദേശീയ മാധ്യമങ്ങളോട് പറഞ്ഞു.
