തിരുവനന്തപുരം: ഭരണഘടനാപരമായി താന് സംസ്ഥാനത്തിന്റെ തലവനാണ്. ജനങ്ങളെ ബാധിക്കുന്ന വിഷയങ്ങളില് അഭിപ്രായം ഇനിയും പറയുമെന്ന് ഗവര്ണര് ആരിഫ് മുഹമ്മദ് ഖാന്. നിയമസഭയുടെ നടപടിയില് താന് ഇടപെട്ടിട്ടില്ല. ജനങ്ങളുടെ പണം ഉപയോഗിച്ചാണ് നിയമസഭ പ്രവര്ത്തിക്കുന്നത്. ജനങ്ങളുടെ പണം അനാവശ്യമായി വിനിയോഗിക്കാന് അനുവദിക്കില്ല. സംസ്ഥാനത്തിന്റെ അധികാര പരിധിയില് വരുന്നതല്ല പൗരത്വ നിയമം. തന്നെ ആര്ക്കും വിമര്ശിക്കാമെന്നും അദ്ദേഹം പറഞ്ഞു. ഗവര്ണറെ റോഡിലിറക്കില്ലെന്ന് പലരും വെല്ലുവിളിച്ചെന്നും എന്നാല് താന് ഇപ്പോഴും സഞ്ചരിച്ചുകൊണ്ടിരിക്കുകയാണെന്നും ആരിഫ് മുഹമ്മദ് ഖാന് വ്യക്തമാക്കി.
കേരള ഗവര്ണറെ ഇര്ഫാന് ഹബീബ് ആക്രമിച്ച സംഭത്തില് സംസ്ഥാനം നടപടി സ്വീകരിക്കണമെന്ന് കേന്ദ്ര ആഭ്യന്തരമന്ത്രി അമിത് ഷാ ഇന്ന് വ്യക്തമാക്കിയിരുന്നു. ൃ. വിഷയത്തില് പോലീസോ സംസ്ഥാന ആഭ്യന്തരവകുപ്പോ നിയമ നടപടികളൊന്നും സ്വീകരിക്കാത്തതിനെ തുടര്ന്നാണ് അമിത് ഷായുടെ പ്രതികരണം. വിഷയം കേന്ദ്ര സര്ക്കാറിന്റെ പരിഗണനയിലാണെന്നും ഭരണ ഘടനാ പദവി വഹിക്കുന്ന ഒരു വ്യക്തിക്ക് നേരെ ഉണ്ടാകാന് പാടില്ലാത്തതാണ് കേരള ഗവര്ണര്ക്ക് നേരെ ഉണ്ടായതെന്നും അദ്ദേഹം പ്രതികരിച്ചു. സംഭവത്തെ ഗൗരവകരമായാണ് കേന്ദ്രസര്ക്കാര് കാണുന്നെതെന്നും അദ്ദേഹം കൂട്ടിച്ചേര്ത്തു.
