ന്യൂദല്ഹി: ആറു വര്ഷത്തിനുള്ളില് ജര്മനിയെ മറികടന്ന് ഇന്ത്യ ലോകത്തിലെ നാലാമത്തെ വലിയ സാമ്പത്തിക ശക്തിയായി മാറുമെന്ന് പഠനറിപ്പോര്ട്ട്. ബ്രിട്ടണ് ആസ്ഥാനമായി പ്രവര്ത്തിക്കുന്ന സെന്റര് ഫോര് എക്കണോമിക്സ് ആന്റ് ബിസിനസ് റിസര്ച്ചാണ്(സി.ഇ.ബി.ആര്) ഇതുസംബന്ധിച്ച പഠന റിപ്പോര്ട്ട് പുറത്തു വിട്ടത്. ഇതിനു പുറമെ കേന്ദ്രസര്ക്കാരിന്റെ ലക്ഷ്യമായ ആഞ്ച് ട്രില്യണ് യുഎസ് ഡോളറിന്റെ സമ്പദ്വ്യവസ്ഥ (ജിഡിപി) എന്ന ലക്ഷ്യവും ഭാരതം നേടുമെന്നാണ് റിപ്പോര്ട്ട് വ്യക്തമാക്കുന്നത്.
ഈ വര്ഷത്തിന്റെ ആദ്യ പകുതിയിലായിരുന്നു ഫ്രാന്സ്, യു.കെ എന്നീ രാജ്യങ്ങളെ മറികടന്ന് അഞ്ചാമത്തെ സാമ്പത്തിക ശക്തിയായി ഇന്ത്യ മാറിയത്. എന്നാല്, 2026ഓടെ ജര്മനിയെയും മറികടന്ന് ഇന്ത്യ നാലാം സ്ഥാനത്തെത്തുമെന്നാണ് സി.ഇ.ബി.ആറിന്റെ പഠനത്തില് പറയുന്നത്. അതേസമയം 2034 ആകുമ്പോഴെക്കും ലോകത്തെ മൂന്നാമത്തെ വലിയ സാമ്പത്തിക ശക്തിയായി ജപ്പാന് മാറുമെന്നും റിപ്പോര്ട്ട് വ്യക്തമാക്കുന്നു. തുടര്ന്ന് വരുന്ന 15 വര്ഷത്തേക്ക് ഇന്ത്യ, ജപ്പാന്, ജര്മനി എന്നീ രാജ്യങ്ങള് മൂന്നാം സ്ഥാനത്തിന് വേണ്ടിയുള്ള മത്സരത്തിലായിരിക്കുമെന്നും ഇതില് പറയുന്നു.
