മീറഠ്: പാക്കിസ്ഥാന് ജയ് വിളിക്കുന്നവരും ഇന്ത്യയില് ജീവിച്ചുകൊണ്ട് രാജ്യത്തിനെതിരെ മുദ്രാവാക്യം വിളിക്കുന്നവരും പാക്കിസ്ഥാനിലേക്കാണ് പോകേണ്ടതെന്ന് മീററ്റ് പോലീസ് സൂപ്രണ്ട് അഖിലേഷ് നാരായണ് സിംഗ് വ്യക്തമാക്കി.
പ്രതിഷേധത്തില് ഇന്ത്യാവിരുദ്ധ സമീപനം എടുത്തവരെ തിരിച്ചറിഞ്ഞിട്ടുണ്ട്. മറ്റുള്ളവരേയും തിരയുകയാണ്. എല്ലാവരേയും പിടിക്കും. രാജ്യവിരുദ്ധ പ്രവര്ത്തനം ഒരു കാരണവശാലും അനുവദിക്കാനാകില്ല. രാഷ്ട്രീയ പ്രതിഷേധത്തിനപ്പുറത്തേക്ക് നാടിനെ അപമാനിക്കുന്ന തരത്തിലേക്കാണ് കാര്യങ്ങള് നീങ്ങിയത്. അത് അംഗീകരിക്കാനാകില്ല, അലോക് നാരായണ് സിംഗ് സൂചിപ്പിച്ചു. പൗരത്വ നിയമത്തിനെതിരെ പ്രതിഷേധിച്ചവരെല്ലാം പാകിസ്ഥാനിലേക്ക് പോകണം എന്ന എസ്പിയുടെ പ്രസ്താവനക്കെതിരെ രാഷ്ട്രീയ പാര്ട്ടികള് രംഗത്തെത്തിയിരുന്നു.
എന്നാല് താന് പ്രതിഷേധിച്ചവരോട് ഒന്നടങ്കമല്ല പറഞ്ഞത്. പ്രതിഷേധത്തിനിടെ ജീവിക്കുന്നത് ഇന്ത്യയിലാണെന്ന് മറന്ന് പാക്കിസ്ഥാന് ജയ് വിളിച്ചവരോടാണ്. അവര്ക്ക് കാര്യം മനസ്സിലായിട്ടുണ്ട്. മാത്രമല്ല, ഇന്ത്യന് സേനകള്ക്ക് നേരെ കല്ലെറിയുന്നവരും പാക്കിസ്ഥാനിലേക്ക് പോകേണ്ടവര് തന്നെയാണ്, അലോക് നാരായണ് സിംഗ് പറഞ്ഞു.
ശത്രുരാജ്യമായ പാകിസ്ഥാന് ജയ് വിളിക്കുന്നത് വെറും 18-25 വയസ്സുള്ള ചെറുപ്പക്കാരാണ്. ഇന്ത്യയുടെ അഭിമാനമായ സേനകളെ ഇവര് കല്ലെറിയുന്നു. പാകിസ്ഥാനാണ് ഇഷ്ടമെങ്കില് ഉടന് അങ്ങോട്ട് പോകാന് താനാണ് നേരിട്ട് അവരോട് പറഞ്ഞത്. ആ പറഞ്ഞതില് ഒരു തെറ്റും കാണുന്നില്ലെന്നും സിംഗ് വ്യക്തമാക്കി.
