മലപ്പുറം: രാജ്യത്ത് നടക്കുന്ന പൗരത്വ ഭേദഗതി നിയമ പ്രക്ഷോഭത്തിന് പിന്നില് മാവോയിസ്റ്റുകളും മൗദൂദികളുമാണെന്ന് ബിജെപി സംസ്ഥാന വൈസ് പ്രസിഡന്റ് എ.പി. അബ്ദുള്ളക്കുട്ടി. പൗരത്വ ഭേദഗതി നിയമവുമായി ബന്ധപ്പെട്ട് ബിജെപി ജില്ലാ കമ്മിറ്റി പാര്ട്ടി പ്രവര്ത്തകര്ക്കായി നടത്തിയ ശില്പ്പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ചില കേന്ദ്രങ്ങള് നടത്തിയ ആസൂത്രിതമായ പ്രചരണങ്ങളില് രാജ്യത്തെ മുസ്ലിം സമുദായവും സംഘടനകളും വീണുപോകുകയാണ്. കാളപെറ്റെന്ന് കേട്ട് കയറെടുക്കുന്നത് പോലെയാണ് രാജ്യത്ത് നടക്കുന്ന പ്രക്ഷോഭങ്ങള്. യുവാക്കളെ തെറ്റിദ്ധരിപ്പിച്ച് തെരുവിലിറക്കി കൊലയ്ക്ക് കൊടുക്കുകയാണ് ചെയ്യുന്നത്. കേരളത്തില് സ്വാശ്രയ കോളേജ് സമരത്തിന്റെ പേരില് കൂത്തുപറമ്പില് വെടിവയ്പ്പിന് അരങ്ങൊരുക്കിയത് പോലെയാണ് മംഗലാപുരത്ത് ജനങ്ങളെ തെറ്റിദ്ധരിപ്പിച്ച് കലാപമുണ്ടാക്കി മരണത്തിന് എറിഞ്ഞു കൊടുത്തതെന്നും അദ്ദേഹം കൂട്ടിച്ചേര്ത്തു.
ബിജെപി മലപ്പുറം ജില്ലാ പ്രസിഡന്റ് കെ. രാമചന്ദ്രന് അധ്യക്ഷത വഹിച്ചു. സംസ്ഥാന സമിതിയംഗം വി. ഉണ്ണികൃഷ്ണന് വിഷയാവതരണം നടത്തി. സുരേഷ് ബാബു, രവി തേലത്ത് തുടങ്ങിയവര് സംസാരിച്ചു.
ജന്മഭൂമി ഓണ്ലൈന്