ആലപ്പുഴ: ആര്എസ്എസ് പ്രവര്ത്തകരെ മാരകായുധങ്ങളുമായി അക്രമിച്ച് കൊലപ്പെടുത്താന് ഡിവൈഎഫ്ഐ ശ്രമം, രക്ഷപ്പെട്ടത് തോട്ടില് ചാടി. ചൊവ്വാഴ്ച വൈകിട്ട് ചുങ്കം ബാബു ഓയില് മില്ലിന് സമീപമായിരുന്നു സംഭവം, പണി കഴിഞ്ഞ് മടങ്ങുകയായിരുന്ന അശ്വനീദേവ് (27), സഞ്ജുപ്രകാശ് എന്നിവരെയാണ് അക്രമിച്ചത്.
ഇരുമ്പുവടിയുള്പ്പടെയുള്ള ആയുധങ്ങള് ഉപയോഗിച്ചായിരുന്നു അക്രമം. ഇരുവര്ക്കും തലയ്ക്കും കൈകള്ക്കും അടിയേറ്റു. തോട്ടില് ചാടിയപ്പോള് മറുഭാഗത്ത് സംഘടിച്ച് നിന്നവര് ഉള്പ്പടെ കല്ലെറിയുകയും ചെയ്തു.
ഇരുവരും ജനറല് ആശുപത്രിയിലും പിന്നീട് മെഡി. കോളേജ് ആശുപത്രിയിലും ചികിത്സയിലാണ്. സുനീര്, റഹീം, നാച്ചി, ചിക്കു എന്നിവരടങ്ങുന്ന സംഘമാണ് അക്രമിച്ചത്. പ്രദേശത്ത് ബോധപൂര്വം അക്രമം അഴിച്ചുവിടുകയെന്ന ലക്ഷ്യമാണ് അക്രമങ്ങള്ക്ക് പിന്നില്. ചില മതതീവ്രവാദ സംഘടനകളെ പ്രീണിപ്പിക്കുകയെന്ന ലക്ഷ്യവും അക്രമത്തിന് പിന്നിലുണ്ടെന്നാണ് വിവരം.
