മുംബൈ: ഇന്ത്യന് ക്രിക്കറ്റ് ഇതിഹാസം സച്ചിന് തെണ്ടുല്ക്കറുടെ സുരക്ഷ വെട്ടിക്കുറച്ച് മകന് ആദിത്യ താക്കറെയുടെ സുരക്ഷ വര്ധിപ്പിച്ച് മഹാരാഷ്ട്ര മുഖ്യമന്ത്രി. ഭാരതരത്നാ അവാര്ഡ് ജേതാവ് കൂടിയായ തെണ്ടുല്ക്കറിന് എക്സ് കാറ്റഗറി സുരക്ഷയാണ് ഏര്പ്പെടുത്തിയിരുന്നത്.
എന്നാല് യാതൊരു വിധത്തിലുള്ള മുന്നറിയിപ്പും കൂടാതെ സുരക്ഷ പിന്വലിക്കാന് തീരുമാനിക്കുകയായിരുന്നു. സുരക്ഷ പിന്വലിച്ചതോടെ 24 മണിക്കൂറും ഒപ്പമുണ്ടായിരുന്ന പോലീസുകാരന്റെ സേവനം സച്ചിന് ഇനിയുണ്ടാകില്ല. എന്നാല് മുന് രാജ്യസഭാ അംഗമെന്ന നിലയില് പുറത്ത് പോകുമ്പോഴുള്ള പോലീസ് അകമ്പടി തുടരും.
അതേസമയം മഹാരാഷ്ട്ര എംഎല്എ ആദിത്യ താക്കെറെയുടെ സുരക്ഷ സെഡ് കാറ്റഗറിയാക്കി ഉയര്ത്തി. നേരത്തെ വൈ പ്ലസ് സുരക്ഷയാണ് ഉണ്ടായിരുന്നത്. മഹാരാഷ്ട്ര സര്ക്കാര് നിയോഗിച്ച കമ്മിറ്റി നടത്തിയ അവലോകനത്തിന് ശേഷമാണ് പ്രമുഖരുടെ സുരക്ഷയില് മാറ്റം വരുത്തിയിരിക്കുന്നത്.
എന്സിപി നേതാവ് ശരത് പവാറിന്റെ സെഡ് പ്ലസ് കാറ്റഗറിയും അനന്തരവന് അജിത് പവാറിന്റെ സെഡ് കാറ്റഗറി സുരക്ഷയും അതേ പടി തുടരും. ബിജെപി നേതാവ് ഏക്നാഥ് ഖാഡ്സെയുടെ സുരക്ഷ വെട്ടിക്കുറച്ചിട്ടുണ്ട്. അദ്ദേഹത്തിന് ഉണ്ടായിരുന്ന വൈ കാറ്റഗറി സുരക്ഷ എടുത്ത് കളഞ്ഞു. മുന് ബിജെപി നേതാവും യുപി ഗവര്ണറുമായ രാം നായികിന്റെ സുരക്ഷ സെഡ് പ്ലസ് കാറ്റഗറിയില് നിന്ന് എക്സാക്കി ചുരുക്കുകയും ചെയ്തിട്ടുണ്ട്.
