തിരുവനന്തപുരം: കര്ണാടക മുഖ്യമന്ത്രി ബിഎസ് യെദിയൂരപ്പ സഞ്ചരിച്ച വാഹനത്തിന്നേരെ ഡിവൈഎഫ്ഐ പ്രവര്ത്തകര് അക്രമം അഴിച്ചുവിട്ടത് വന് പ്രത്യാഘാതങ്ങള് സൃഷ്ടിക്കുമെന്ന് മുന് കേരള ഡിജിപി ടി.പി സെന്കുമാര്. ബാംഗ്ലൂരുവിലും മംഗലാപുരത്തുമുള്ള മലയാളി വിദ്യാര്ഥികളുടേയും, വ്യാപാരികളുടേയും സുരക്ഷയെ വരെ ബാധിക്കുമെന്നും ഇതിന്റെയൊക്കെ ഉത്തരവാദിത്തം സംസ്ഥാന ആഭ്യന്തര വകുപ്പിനായിരിക്കുമെന്നും അദ്ദേഹം പ്രതികരിച്ചു.
സംസ്ഥാന ആഭ്യന്തര വകുപ്പിനാകെ നാണക്കേട് ഉണ്ടാക്കിയ സംഭവമാണിത്. കേരള മുഖ്യമന്ത്രിയെക്കാളും സുരക്ഷാ ഭീഷണി ഉള്ളയാളാണ് കര്ണാടക മുഖ്യമന്ത്രി. അദ്ദേഹത്തിന് ഇത്തരത്തില് ഒരു സുരക്ഷാ വീഴ്ച കേരത്തില്വെച്ച് ഉണ്ടായത് നിര്ഭാഗ്യകരമാണെന്നും അദ്ദേഹം പ്രതികരിച്ചു.
കണ്ണൂര് മാടായിക്കാവ് തിരുവര്ക്കാട്ട് ഭഗവതി ക്ഷേത്രത്തില് ദര്ശനത്തിനായി എത്തിയപ്പോഴായിരുന്നു ഡിവൈഎഫ്ഐ പ്രവര്ത്തകരുടെ ആക്രമണം. ഇരുപതില് അധികം വരുന്ന പ്രവര്ത്തകര് കാര് തടഞ്ഞു നിര്ത്താന് ശ്രമിക്കുകയും കൊടികെട്ടിയ കമ്പുകള് ഉയര്ത്തി കാറില് യെദിയൂരപ്പ ഇരുന്ന ഭാഗത്ത് ആഞ്ഞടിക്കുകയായിരുന്നു. സംഭവശേഷം മംഗലാപുരം അടക്കമുള്ള നഗരങ്ങളിലെ മലയാളി വ്യാപാരികളും ആശങ്കയിലാണ്.
