തിരുവനന്തപുരം: ഓഖി കേരളത്തില് ദുരന്തം വിതച്ച് രണ്ടു വര്ഷം പിന്നിട്ടിട്ടും മരിച്ചവരുടെ ആശ്രിതരോട് പിണറായി സര്ക്കാര് കാണിച്ചത് അവഗണന മാത്രം. ഓഖി ആശ്രിതരില് നിന്നും പത്താം ക്ലാസ് പാസായ 13 പേര്ക്ക് ജോലി വാഗ്ദാനം നടത്തിയ സംസ്ഥാന സര്ക്കാര് ഇക്കാലം വരെ അതു നടപ്പാകിയിട്ടില്ല. എന്നാല്, ആശ്രിതര്ക്ക് ജോലി നല്കാന് ലത്തീന് സഭയ്ക്കും ഉത്തരവാദിത്വം ഉണ്ടെന്ന് മുടന്തന് ന്യായം പറഞ്ഞ് കയ്യൊഴിഞ്ഞിരിക്കുകയാണ് കേരള ഫിഷറീസ് മന്ത്രി ജെ. മേര്സിക്കുട്ടിയമ്മ.
2017ലെ കേരളത്തില് വീശിയ ഓഖി കൊടുങ്കാറ്റില്പെട്ട് 143 പേരുടെ ജീവനാണ് നഷ്ടമായത്. തിരുവനന്തപുരം ജില്ലയിലെ പൂന്തുറയില് നിന്നും മാത്രം 35 പേരാണ് മരണപ്പെട്ടത്. രണ്ട് വര്ഷം കഴിഞ്ഞിട്ടും അര്ഹതപ്പെട്ടവര്ക്ക് ജോലി കിട്ടാത്തതിന്റെ കാരണം അന്വേഷിച്ചപ്പോഴാണ് ലത്തീന് സഭയെ പഴിചാരി ഫിഷറീസ് മന്ത്രി ഒഴിഞ്ഞുമാറുന്നത്. ബിഎഡ് ഉള്പ്പെടെ പാസായവര് പട്ടികയിലുണ്ടായിട്ടാണ് സര്ക്കാറിന്റെ ഈ നിശ്ക്രിയത്വം.
