ന്യൂദല്ഹി : പൗരത്വ നിയമ ഭേദഗതി ഒരിക്കലും രാജ്യത്തെ മുസ്ലിങ്ങള്ക്ക് എതിരല്ലെന്ന് കേന്ദ്രമന്ത്രി നിതിന് ഗഡ്കരി. നിയമത്തിനെതിരെ കോണ്ഗ്രസ് നടത്തുന്ന പ്രചാരണങ്ങള് രാജ്യത്തെ മുസ്ലിം സമുദായങ്ങള് തിരിച്ചറിയണം. ജനങ്ങളെ തെറ്റിദ്ധരിപ്പിക്കുന്ന വിധത്തിലാണ് വാര്ത്തകള് പ്രചരിപ്പിക്കുന്നതെന്നും ഗഡ്കരി കുറ്റപ്പെടുത്തി.
പൗരത്വ നിയമഭേഗതി സംബന്ധിച്ച് രാജ്യത്ത് ചില സ്ഥലങ്ങളില് പ്രതിഷേധങ്ങള് ഉയര്ന്നുവന്ന സാഹചര്യത്തിലാണ് കേന്ദ്രമന്ത്രിയുടെ ഈ പ്രതികരണം. ജനങ്ങള്ക്കിടയില് തെറ്റിദ്ധാരണ വളര്ത്തുന്ന കോണ്ഗ്രസിന്റെ ഈ പ്രചരണങ്ങള് രാജ്യത്തെ മുസ്ലിംങ്ങള് തിരിച്ചറിയണം. അയല്രാജ്യങ്ങളില് നിന്നും പീഡനം അനുഭവിക്കുന്ന ന്യൂനപക്ഷങ്ങള്ക്ക് പൗരത്വം നല്കാന് വേണ്ടി മാത്രമുള്ളതാണ് നിയമ ഭേദഗതി.
കോണ്ഗ്രസ് ജനങ്ങളെ വോട്ട് യന്ത്രം മാത്രമായാണ് കാണുന്നത്. പൗരത്വ നിയമ ഭേഗദതി എന്താണെന്ന് മനസ്സിലാക്കണം. ഇതിനെതിരെ തെറ്റിദ്ധാരണ പരത്തുന്നതിന്റെ ഉദ്ദേശശുദ്ധി മനസ്സിലാക്കണം. പൗരത്വ നിയനം പോലൊന്ന് ഇന്ത്യയ്ക്ക് അനിവാര്യമാണെന്നും അദ്ദേഹം കൂട്ടിച്ചേര്ത്തു
