ന്യൂഡല്ഹി: ബംഗാള് മുഖ്യമന്ത്രി മമത ബാനര്ജിയുടെ പ്രസ്താവനയെ വിമര്ശിച്ച് കേന്ദ്രമന്ത്രി സ്മൃതി ഇറാനി. ഭാരതത്തെ സംബന്ധിക്കുന്ന വിഷയം ഐക്യരാഷ്ട്രസഭ പ്രത്യേക സമിതിക്ക് വിടണമെന്ന മമത ബാനര്ജിയുടെ പരമാര്ശം പാര്ലമെന്റിന് തന്നെ അപമാനകരമാണെന്ന് സ്മൃതി ഇറാനി വിമര്ശിച്ചു. മമത അപമാനിച്ചിത് പാര്ലമെന്റിനെയാണെന്നും സ്മൃതി ഇറാനി വ്യക്തമാക്കി.
എന്നാല്, സ്മൃതി ഇറാനിക്ക് പുറമെ ബംഗാള് ഗവര്ണറുള്പ്പെടെ നിരവധി പേര് മമത ബാനര്ജിയുടെ പ്രസ്താവനക്ക് വിമര്ശനവുമായി രംഗത്തെത്തിയിട്ടുണ്ട്. ഒരു സംസ്ഥാനത്തിന്റെ മുഖ്യമന്ത്രി എന്ന നിലയില് പറയേണ്ട കാര്യമല്ല മമത പറഞ്ഞിരിക്കുന്നതെന്നും ഇന്ത്യയുടെ വിഷയത്തില് ഐക്യരാഷ്ട്രസഭ പ്രത്യേക സമിതിയെ വിടണമെന്ന പ്രസ്താവന ഇറക്കാന് ഒരു സംസ്ഥാന മുഖ്യമന്ത്രിക്ക് ഭരണഘടനാപരമായി ഒരു അധികാരവുമില്ല.
ഇത്തരം നിരുത്തരവാദപരമായ പ്രസ്താവനകള് ജനാധിപത്യത്തിന്റെ സ്വഭാവത്തിനെതിരാണെന്നും ഗവര്ണര് പ്രതികരിച്ചു. ബംഗാളിലെ മുതിര്ന്ന രാഷ്ട്രീയ പ്രവര്ത്തക എന്ന നിലയിലും സംസ്ഥാനത്തിന്റെ ഭരണാധികാരി എന്ന നിലയിലും ദൂരവ്യാപകമായ പ്രത്യാഘാതങ്ങള് ശൃഷ്ടിക്കുന്ന നടപടികാളാണ് മമതായുടെതെന്നും അദേഹം പറഞ്ഞു.
