തിരുവനന്തപുരം : പ്രധനമന്ത്രി നരേന്ദ്രമോദിയെ ജനങ്ങള് കൊന്ന് തിന്നുമെന്ന് ഫേസ്ബുക്കിലൂടെ പരോക്ഷ പ്രസ്താവന നടത്തി ടിനി ടോം. ഫേസ്ബുക്കില് ഒരു ചിത്രത്തിനൊപ്പം പങ്കുവെച്ച പോസ്റ്റിലൂടെയാണ് ഭീഷണി മുഴക്കിയത്. വെറുതെ പറഞ്ഞെന്നേയുള്ളു എന്ന് തലക്കെട്ട് നല്കിക്കൊണ്ടാണ് ടിനി ടോം പോസ്റ്റ് പുറത്തുവിട്ടത്.
1672ല് കോപാകുലരായ ഒരുകൂട്ടം ആളുകള് അവരുടെ പ്രധാനമന്ത്രിയെ കൊന്നശേഷം ഭക്ഷിച്ചു. എന്നാല് പോസ്റ്റിനെതിരെ നിരവധി പേരാണ് വിമര്ശനവുമായി രംഗത്ത് എത്തിയത്. പ്രതിഷേധം വ്യാപകമായതോടെ ടിനിടോം പോസ്റ്റ് പിന്വലിച്ചിരിക്കുകയാണ്.
അതേസമയം തനിക്കെതിരെ അനാവശ്യമായി വാര്ത്തകള് മാധ്യമങ്ങള് പ്രചരിപ്പിക്കുകയാണെന്ന് ടിനി ടോം പ്രതികരിച്ചു. ഒരു രാജ്യത്തുണ്ടായ സംഭവം ശ്രദ്ധയില് പെട്ടപ്പോള് അത് എഫ്ബിയില് പങ്കുവെയ്ക്കുകയാണ് ഉണ്ടായത്. അല്ലാതെ രാഷ്ട്രീയത്തില് പ്രവര്ത്തിക്കാനൊന്നും താത്പ്പര്യമല്ല. താന് തീവ്രവാദിയൊന്നുമല്ല. തന്റെ പോസ്റ്റിനെ തെറ്റായി വ്യാഖ്യാനിച്ചിരിക്കുകയാണെന്നും ടിനി ടോം കൂട്ടിച്ചേര്ത്തു.
ജാമിയ മിലിയയില് പൗരത്വ ബില്ലിനെതിരെ രാജ്യ വിരുദ്ധ സമരം നടത്തിയ മലയാളിയായ ഐഷ റെന്നയെ അനുകൂലിച്ച് പ്രഥ്വിരാജ് ഉള്പ്പടെയുള്ള ചലച്ചിത്ര താരങ്ങള് അനുകൂലിച്ചിരുന്നു. മുംബൈ ഭീകരാക്രമണത്തില് പ്രതിയായി വധിശിക്ഷയ്ക്കു വിധിച്ച യാക്കൂബ് മേമനെ അനുകൂലിച്ച ഇവരെയാണോ അനുകൂലിക്കുന്നതെന്ന് സമൂഹ മാധ്യമങ്ങളില് വാര്ത്തകള് പുറത്തുവന്നിരുന്നു. അതിനു പിന്നാലെയാണ് ടിനി ടോമിന്റെ എഫ്ബി പോസ്റ്റും പുറത്തുവന്നിരിക്കുന്നത്.
