തിരുവനന്തപുരം : ശബരിമല തീര്ത്ഥാടന കാലയളവില് ഇത്തവണ സന്നിധാനത്ത് വനിതാ പോലീസിനെ നിയോഗിക്കുന്നില്ല. വനിത പോലീസിനെ സന്നിധാനത്ത് കയറ്റാതെ നിലയ്ക്കലും, പമ്പയിലുമായി നിര്ത്താനാണ് തീരുമാനിച്ചിരിക്കുന്നത്.
എന്നാല് കഴിഞ്ഞവര്ഷം അയ്യായിരത്തോളം പോലീസിനെ വിന്യസിച്ചെങ്കില് ഇത്തവണ ആദ്യഘട്ടം 2500 പോലീസിനെ മാത്രമാണ് ഇത്തവണ നിയോഗിക്കുന്നത്. ഒപ്പം 150 വനിത പോലീസിനേയും നിയോഗിക്കും. അതേസമയം കഴിഞ്ഞവര്ഷമുണ്ടായ പ്രതിഷേധങ്ങള് ആവര്ത്തിച്ചേക്കാമെന്ന് ഇന്റലിജെന്സ് റിപ്പോര്ട്ടുണ്ട്. അതിനാല് സാധാരണയുള്ള സുരക്ഷാക്രമീകരണത്തിനൊപ്പം പ്ലാന് ബിയും ചേര്ത്താണ് പദ്ധതി തയാറാക്കിയിരിക്കുന്നത്.
കൂടാതെ പ്രദേശത്ത് ഏതെങ്കിലും വിധത്തിലുള്ള പ്രതിഷേധം ഉടലെടുത്താല് നേരിടുന്നതിനായി ആയുധങ്ങളടങ്ങിയ സ്ട്രൈക്കിങ് ഫോഴ്സ് സന്നിധാനത്തും മരക്കൂട്ടത്തും നിലയുറപ്പിച്ചിട്ടുണ്ടാകും. നിലയ്ക്കലിനപ്പുറത്തേക്ക് വാഹനങ്ങള് കടത്തിവിടേണ്ടെന്നും തീരുമാനമുണ്ട്.
നിലവില് പോലീസ് തയാറാക്കിയ ശബരിമല സുരക്ഷാപദ്ധതിയില് യുവതി പ്രവേശനം നടപ്പാക്കണമെന്നോ വേണ്ടെന്നോ പറയുന്നില്ല. യുവതികള്ക്ക് പ്രവേശിക്കാമെന്ന വിധിയും അതിനെതിരെയുള്ള പുനപരിശോധനാഹര്ജിയും നിലനില്ക്കുന്നൂവെന്നു മാത്രമാണ് പരാമര്ശം.
