ന്യൂദല്ഹി: രാമക്ഷേത്രം ഉയരുന്നതോടെ ലോകമെമ്പാടുമുള്ള ഹിന്ദുക്കളുടെ വിശ്വാസ കേന്ദ്രമായി അയോധ്യമാറും. അതിനാല് തീര്ത്ഥാടകര്ക്ക് രാമജന്മഭൂമി സന്ദര്ശിക്കാന് അയോധ്യയില് അന്താരാഷ്ട്ര വിമാനത്താവളം നിര്മ്മിക്കണമെന്ന് ബിജെപി ദല്ഹി അധ്യക്ഷന് മനോജ് തിവാരി.
രാമജന്മഭൂമിയില് ക്ഷേത്രം പണിയാനുള്ള അനുവാദം നല്ക്കികൊണ്ടുള്ള സുപ്രീംകോടതിയുടെ ചരിത്രപരമായ വിധിക്കു പിന്നാലെയാണ് ആവശ്യവുമായി മനോജ് തിവാരി എത്തിരിക്കുന്നത്. അയോദ്ധ്യയില് അന്താരാഷ്ട്ര വിമാനത്താവളം നിര്മ്മിക്കുന്നതിനുള്ള അഭ്യര്ത്ഥന പരിഗണിക്കണമെന്നും ഇതിലുടെ ലോകമെമ്പാടുമുള്ള ആളുകള്ക്ക് അയോധ്യ സന്ദര്ശിക്കാനുള്ള അവസരമൊരുക്കണമെന്നും സിവില് ഏവിയേഷന് മന്ത്രി ഹര്ദീപ് സിംഗ് പുരിക്ക് അയച്ച കത്തില് മനോജ് തിവാരി പറഞ്ഞു.
അയോധ്യയെ ലോകത്തിലെ ഏറ്റവും മികച്ച തീര്ത്ഥാടന കേന്ദ്രങ്ങളിലൊന്നായി വികസിപ്പിക്കാന് കഴിയുമെന്നും ഇത് പ്രദേശത്തിന്റെ സമഗ്രവികസനത്തിന് പ്രചോദനമാകുമെന്നും അദ്ദേഹം പറഞ്ഞു. അയോധ്യയില് ഒരു അന്താരാഷ്ട്ര വിമാനത്താവളം വേണമെന്ന ആവശ്യത്തോട് മനോജ് തിവാരി ഉടന് ഹര്ദീപ് പുരിയെ നേരിട്ട് കാണുമെന്നും ബിജെപി ദല്ഹി മീഡിയ റിലേഷന്സ് ഹെഡ് നീല്കാന്ത് ബക്ഷി പറഞ്ഞു.
