മുംബൈ: മഹാരാഷ്ട്രയില് സര്ക്കാര് രൂപീകരണവുമായി ബിജെപി മുന്നോട്ട്. ബിജെപി എംഎല്എമാര് ഇന്ന് ഗവര്ണറെ കണ്ട് സര്ക്കാര് രൂപീകരിക്കുന്നതിന് അവകാശവാദം ഉന്നയിക്കും. കാവല് സര്ക്കാരിന്റെ കാലാവധി അവസാനിക്കുന്ന ദിവസം തന്നെ ദേവേന്ദ്ര ഫഡ്നാവിസ് മുഖ്യമന്ത്രിയായി സത്യപ്രതിജ്ഞ ചെയ്യുമെന്നാണ് റിപ്പോര്ട്ടുകള് പുറത്തുവരുന്നത്.
ഭൂരിപക്ഷം തെളിയിക്കാനുള്ള പിന്തുണ ഇല്ലാത്തതിനാല് പ്രതിപക്ഷത്ത് ഇരിക്കുകയാന്നെ് എന്സിപി നേതാവ് ശരത് പവര് കഴിഞ്ഞ ദിവസം അറിയിച്ചിരുന്നു. പ്രതിപക്ഷത്തിരിക്കാന് ജനങ്ങള് നല്കിയ വിധി അംഗീകരിക്കുകയാണെന്നും അദ്ദേഹം പറഞ്ഞു.
മന്ത്രിസഭാ രൂപീകരണവുമായി ബന്ധപ്പെട്ട് നിതിന് ഗഡ്കരിയുടെ മധ്യസ്ഥതയില് ശിവസേനയുമായി ചര്ച്ച നടത്തിയിരുന്നു. ശിവസേനയുമായി 24 മണിക്കൂറും ചര്ച്ചയ്ക്ക് തയ്യാറാണെന്നും പക്ഷെ ഫഡ്നാവിസിന് കീഴില് തന്നെ സര്ക്കാര് രൂപീകരിക്കുമെന്നും ബിജെപി വ്യക്തമാക്കിയിട്ടുണ്ട്. കൂടുതല് ക്യാബിനറ്റ് പദവികള് ശിവസേനയ്ക്ക് നല്കാമെന്നും തീരുമാനം ശിവസേനയുടേതാണെന്നുമാണ് ബിജെപി നിലപാട്.
കാവല് സര്ക്കാരിന്റെ കാലാവധി വെള്ളിയാഴ്ച്ച തീരുന്നതിനാല് ഇന്ന് തന്നെ സേനയുമായി ധാരണയിലെത്താന് കഴിയുമെന്ന വിശ്വാസത്തിലാണ് പാര്ട്ടി. നാളെ തന്നെ സത്യപ്രതിജ്ഞ ഉണ്ടാവുമെന്നാണ് സൂചന.
