വാഷിങ്ടണ്: കൊല്ലപ്പെട്ട ഐഎസ് തലവന് അബൂബക്കര് അല് ബാഗ്ദാദിയുടെ സഹോദരിയും പിടിയില്. റസ്മിയാ അവാദ് (65) എന്ന ഇവര് സിറിയയില് തുര്ക്കി സൈന്യത്തിന്റെ പിടിയിലാണ് ആയിരിക്കുന്നത്. വടക്കന് സിറിയയിലെ നഗരമായ അസാസില് നിന്ന് തിങ്കളാഴ്ചയാണ് ഇവര് പിടിയിലായത്.
തുര്ക്കി സൈന്യത്തിലെ മുതിര്ന്ന ഉദ്യോഗസ്ഥന് വാര്ത്താ ഏജന്സിയോട് വെളിപ്പെടുത്തിയതാണ് ഇക്കാര്യം. അസാസ് നഗരത്തിന് സമീപത്തായി തുര്ക്കി സൈന്യം നടത്തിയ തെരച്ചിലിലാണ് റസ്മിയാ അവാദ് പിടിയിലായത്. ഇവരുടെ ഭര്ത്താവും മരുമകളും അഞ്ചുകുഞ്ഞുങ്ങളേയും സുരക്ഷാ സൈന്യം കസ്റ്റഡിയില് എടുത്തിരുന്നു. തുര്ക്കി സൈന്യം ഇവരെ ചോദ്യം ചെയ്ത് വരികയാണ്.
ബാഗ്ദാദിയുടെ സഹോദരിയെ ചോദ്യം ചെയ്യുന്നതിലൂടെ ഐഎസ് സംബന്ധിച്ച നിര്ണ്ണായക വിവരങ്ങള് ലഭിക്കുമെന്നാണ് തുര്ക്കി സൈന്യം പ്രതീക്ഷിക്കുന്നത്. അതേസമയം പിടിയിലായവര് ബാഗ്ദാദിയുടെ സഹോദരി തന്നെയാണോ എന്ന കാര്യം ഇതുവരെ സ്ഥിരീകരിച്ചിട്ടില്ല.
കഴിഞ്ഞ മാസം വടക്ക് പടിഞ്ഞാറന് സിറിയയില് അമേരിക്ക നടത്തിയ പ്രത്യേക ഓപ്പറേഷനിടെയാണ് ബാഗ്ദാദി കൊല്ലപ്പെടുന്നത്.
2010ലാണ് ബാഗ്ദാദി ഭീകരസംഘടനയായ ഐഎസ്ഐയുടെ നേതാവാകുന്നത്. അല്ഖ്വയ്ദയുമായുള്ള ലയനത്തിന് ശേഷം ഐസിസ് എന്ന് സംഘടനയുടെ പേര് മാറ്റുകയായിരുന്നു.
