ന്യൂദല്ഹി : ജമ്മു കശ്മീരിലെ മുന് മുഖ്യമന്ത്രിമാര് കയ്യടക്കി വെച്ചിരുന്ന ഔദ്യോഗിക ബംഗ്ലാവുകള് രേഖാമൂലം ഒഴിഞ്ഞു നല്കണമെന്ന് കേന്ദ്ര സര്ക്കാര്. മുന് മുഖ്യമന്ത്രിമാരായ ഒമര് അബദുള്ള, മെഹ്ബൂബ മുഫ്തി എന്നിവരോടാണ് ആവശ്യപ്പെട്ടിരിക്കുന്നത്. ഇന്ന് ഒഴിഞ്ഞു നല്കണമെന്നാണ് നിര്ദ്ദേശം.
സംസ്ഥാന പുനഃസംഘടനാ ബില്ലില് നിന്നും ഔദ്യോഗിക വസതികളില് ജീവിതകാലം മുഴുവന് താമസിക്കാനുള്ള അനുമതി കേന്ദ്ര സര്ക്കാര് ഒഴിവാക്കിയിരുന്നു. ഇതിനെ തുടര്ന്നാണ് ഈ തീരുമാനം. മെഹബൂബ മുഫ്തിക്കും ഒമര് അബ്ദുള്ളയ്ക്കും ഇതു സംബന്ധിച്ച് കേന്ദ്ര സര്ക്കാര് നേരത്തെ തന്നെ നോട്ടീസ് നല്കിയിരുന്നു. എന്നാല് ഇവര് തിരിച്ച് മറുപടിയൊന്നും നല്കിയിരുന്നില്ല. ഈ സാഹചര്യത്തില് അന്ത്യശാസനം നല്കിയിരിക്കുകയാണ് ഇപ്പോള്. ഇന്ന് രേഖാപരമായി ഒഴിഞ്ഞില്ലെങ്കില് നടപടി സ്വീകരിക്കുമെന്നാണ് നിര്ദ്ദേശം നല്കിയിരിക്കുന്നത്.
2019 ഒക്ടോബര് 31ന് ജമ്മുകശ്മീര് പുനസംഘടന ബില് നടപ്പായതോടെ മുന് മുഖ്യമന്ത്രിമാര്ക്ക് സംസ്ഥാനത്ത് ഉണ്ടായിരുന്ന പ്രത്യേക അവകാശങ്ങള് ഇല്ലാതായി. ഇതില് പ്രധാനമായിരുന്നു ജീവിതകാലം ആകെ ബംഗ്ലാവുകള് ഉപയോഗിക്കാനുള്ള അവകാശം. വാടകയില്ലാതെയാണ് സര്ക്കാര് വസതികള് അനുവദിച്ചിരുന്നത്. ഈ വ്യവസ്ഥ റദ്ദാക്കിയ പശ്ചാത്തലത്തിലാണ് ഒഴിഞ്ഞുപോകാനുള്ള നിര്ദ്ദേശം പുറത്തിറക്കിയിരിക്കുന്നത്.
്അതസമയം കോണ്ഗ്രസിന്റെ മുന് രാജ്യസഭാ അംഗമായ ഗുലാം നബി ആസാദ് നോട്ടിസ് ലഭിച്ചപ്പോള് തന്നെ സര്ക്കാര് ബംഗ്ലാവ് ഒഴിഞ്ഞിരുന്നു. 2005-2008 സമയത്ത് ജമ്മുകശ്മീരിന്റെ മുഖ്യമന്ത്രിയായിരുന്നു അദ്ദേഹം.
