പാലക്കാട്: പാലക്കാട് സുരക്ഷാസേനയും മാവോയിസ്റ്റുകളും തമ്മില് ഏറ്റുമുട്ടല്. മൂന്ന് മാവോയിസ്റ്റുകളെ തണ്ടര് ബോള്ട്ട് സേന വധിച്ചു. ജില്ലയിലെ മേലെ മഞ്ചക്കട്ടി ഉള്വനത്തില് ഇപ്പോഴും ഏറ്റുമുട്ടല് തുടരുകയാണ്.മാവോയിസ്റ്റ് വിരുദ്ധ പ്രവര്ത്തനങ്ങള്ക്കായി നിയോഗിക്കപ്പെട്ട തണ്ടര് ബോള്ട്ട് സംഘമാണ് മാവോയിസ്റ്റുകളെ വധിച്ചത്.
ഏറ്റുമുട്ടല് സംബന്ധിച്ച പ്രാഥമിക വിവരങ്ങള് മാത്രമേ ഇപ്പോള് പുറത്തു വന്നിട്ടുള്ളൂ. അസി. കമാന്ണ്ടന്റ് സോളമന്റെ നേതൃത്വത്തിലുള്ള തണ്ടര് ബോള്ട്ട് സംഘത്തിന് നേരെ മാവോയിസ്റ്റുകള് വെടിവച്ചതിനെ തുടര്ന്നാണ് ഇരുവിഭാഗങ്ങളും തമ്മില് ഏറ്റുമുട്ടല് ആരംഭിച്ചത. മാവോയിസ്റ്റുകളും തണ്ടര് ബോള്ട്ട് സംഘവും തമ്മിലുള്ള ഏറ്റുമുട്ടല് കാട്ടിനുള്ളില് ഇപ്പോഴും തുടരുകയാണ. കൂടുതല് വിവരങ്ങള് പോലീസ് വ്യക്തമാക്കിയിട്ടില്ല. തണ്ടര് ബോള്ട്ടിന്റെ ഒരു സംഘം പാലക്കാട്ടേക്ക് തിരിച്ചിട്ടുണ്ട്.
