ലണ്ടന്: സാമ്പത്തികശാസ്ത്രത്തിനുള്ള ഈ വര്ഷത്തെ നോബല് പുരസ്കാരം ഇന്ത്യന് വംശജനായ അഭിജിത് ബാനര്ജിക്ക്. ബംഗാളിലെ കൊല്ക്കത്ത സ്വദേശിയായ അഭിജിത് ഇപ്പോള് അമേരിക്കയില് സ്ഥിരതാമസമാണ്. ‘ആഗോള ദാരിദ്ര്യം ലഘൂകരിക്കുന്നതിനുള്ള പരീക്ഷണാത്മക സമീപനത്തിന്” അഭിജിത് ബാനര്ജി, എസ്തര് ഡഫ്ലോ, മൈക്കല് ക്രെമെര് എന്നിവര്ക്ക് സാമ്പത്തിക നൊബേല് സമ്മാനം ലഭിച്ചു. ഇതില് എസ്തര് ഡഫ്ലോ അഭിജിത്തിന്റെ ഭാര്യയാണ്.
1961ല് ജനിച്ച അഭിജിത് അബ്ദുള് ലത്തിഫ് ജമീല് പ്രോവര്റ്റി ആക്ഷന് ലാബിന്റെ സ്ഥാപകരില് ഒരാളാണ്. ഡല്ഹി ജെഎന്യുവില് നിന്ന ബിരുദാനന്തര ബിരുദം നേടിയ അഭിജിത് പിന്നീട് യുഎസിലെ ഹവാര്ഡ് യൂണിവേഴ്സിറ്റിയില് നിന്ന് ഇക്കണോമിക്സില് പിഎച്ച്ഡി കരസ്ഥമാക്കി. യുഎസിലെ മസാച്ചുസെറ്റ്സ് ഇന്സ്റ്റിറ്റ്യൂട്ട് ഓഫ് ടെക്നോളജിയില് സാമ്പത്തിക ശാസ്ത്ര പ്രൊഫസറാണ്. 57 വയസുകാരി എസ്ഥര് ഡഫ്ലോ പാരീസിലാണ് ജനിച്ചത്. ഇപ്പോള് മസാച്ചുസെറ്റ്സ് ഇന്സ്റ്റിറ്റ്യൂട്ട് ഓഫ് ടെക്നോളജിയില് പ്രൊഫസറാണ്. എംഐടിയില് നിന്ന് പിഎച്ച്ഡിയും നേടിയിട്ടുണ്ട്. 55 കാരനായ മൈക്കല് ക്രെമെര് ഹാര്വാര്ഡ് സര്വകലാശാലയിലെ പ്രൊഫസറാണ്. യൂണിവേഴ്സിറ്റിയില് നിന്ന് പിഎച്ച്ഡിയും നേടി. 9 ദശലക്ഷം സ്വീഡിഷ് ക്രോണയുടെ സമ്മാന തുക മൂന്ന് സമ്മാന ജേതാക്കള്ക്കിടയില് തുല്യമായി പങ്കിടും.
