ലഖ്നൗ : മുത്തലാഖിലൂടെ വിവാഹ മോചിതരായ സ്ത്രീകള്ക്ക് കൈത്താങ്ങാകാന് ഉത്തര്പ്രദേശ് യോഗി ആദിത്യനാഥ് സര്ക്കാര്. മുത്തലാഖ് ഇരകള്ക്ക് പ്രതിവര്ഷം 6000 രൂപ നല്കാനുള്ള പദ്ധതി നടപ്പാക്കുമെന്ന് മുഖ്യമന്ത്രി അറിയിച്ചു.
ഇരകള്ക്ക് നീതി ലഭിച്ച് അവരുടെ പുനരധിവാസം നടപ്പിലാകും വരെ ഈ ധനസഹായം ലഭ്യമാക്കുമെന്നും അദ്ദേഹം പറഞ്ഞു. പ്രധാനമന്ത്രി ജന് വികാസ് കാര്യക്രമം(പിഎജെവികെ) പ്രകാരമാണ് ഈ പദ്ധതി നടപ്പിലാക്കുന്നത്. മുത്തലാഖിലൂടെ ബന്ധം വേര്പ്പെട്ട നിരവധി മുസ്ലിം യുവതികളുമായി യോഗി കൂടിക്കാഴ്ച്ച നടത്തിയിരുന്നു. ഇതിന്റെ പശ്ചാത്തലത്തിലാണ് ഈ നടപടി.
സംസ്ഥാനത്ത് മാത്രം 300 സ്ത്രീകളെയാണ് മുത്തലാഖിന്റെ ഇരകളായിട്ടുള്ളത്. ഇവര്ക്ക് വിദ്യാഭ്യാസവും തൊഴിലും ലഭ്യമാക്കുന്നതിന് നിരവധി പദ്ധതികളും സര്ക്കാര് ആസൂത്രണം ചെയ്യുന്നുണ്ട്.
അതേസമയം ഹിന്ദു യുവാക്കള് നിയമപരമായി വിവാഹ ബന്ധം വേര്പ്പെടുത്താതെ വീണ്ടും കല്യാണം കഴിക്കുന്നതിനേയും യോഗി ആദിത്യനാഥ് ശക്തമായി എതിര്ത്തിട്ടുണ്ട്.
ഈ വര്ഷം ആഗസ്ത് ഒന്നിനാണ് മോദി സര്ക്കാര് മുത്തലാഖ് നിരോധിച്ച് നിയമം പാസാക്കിയത്. ഇതുപ്രകാരം മുത്തലാഖ് ചൊല്ലുന്ന ഭര്ത്താക്കന്മാര്ക്കെതിരെ ക്രിമിനല് കുറ്റമാണ് ചുമത്തുക.
