തിരുവന്തപുരം: പോലീസിലെ സൈബര് വിഭാഗം സിപിഎമ്മിന്റെ വര്ഗ്ഗ സംഘടനയെപ്പോലെയാണ് പെരുമാറുന്നതെന്ന് ബിജെപി ജനറല് സെക്രട്ടറി കെ സുരേന്ദ്രന്. മുഖ്യമന്ത്രിയെ ആക്ഷേപിക്കുന്നവര്ക്കെതിരെ നൂറുകണക്കിന് കേസുകള് എടുക്കുമ്പോള് രാജ്യത്തിന്റെ പ്രധാനമന്ത്രിയെ നീചമായി ചിത്രീകരിക്കുന്നവര്ക്കെതിരെ കേസില്ലന്ന് കെ സുരേന്ദ്രന് ഫെയിസ് ബുക്കില് കുറിച്ചു.
‘ഈ അടുത്ത കാലത്ത് സി. പി. എം നേതാവ് ജയരാജന് ബി. ജെ. പിയിലേക്ക് എന്ന തരത്തില് ജനം ടി. വി യുടെ ലോഗോ ഉപയോഗിച്ച് സുഡാപ്പികള് നടത്തിയ പ്രചാരണം വലിയ ചര്ച്ചയായതാണ്. ജയരാജന് അന്ന് സംഘപരിവാറിനെയാണ് ഇക്കാര്യത്തില് കുറ്റം പറഞ്ഞത്. അവസാനം പിടിയിലായതോ മലപ്പുറത്തുനിന്നുള്ള എസ്. ഡി. പി. ഐ പ്രവര്ത്തകനും. സി. പി. എമ്മിലെയും എസ്. ഡി. പി. ഐയിലേയും സമാന ചിന്താഗതിക്കാരായ ക്രിമിനലുകളാണ് ഇവിടെ സാമൂഹ്യമാധ്യമരംഗം മലീമസമാക്കുന്നത്. പിന്നെ ചില ഇടതു ബുദ്ധിജീവികളും ഫെമിനിച്ചികളും’-അദ്ദേഹം പറഞ്ഞു.
ഫെയിസ് ബുക്ക് പോസ്റ്റിന്റെ പൂര്ണരൂപം
സാമൂഹ്യമാധ്യമങ്ങളുടെ ദുരുപയോഗവും പൊതു ഇടങ്ങളിലെ വ്യക്തിഹത്യയും സംബന്ധിച്ച ചര്ച്ച സുപ്രീംകോടതി വരെ എത്തിയിരിക്കുകയാണല്ലോ. ഇതു സംബന്ധിച്ച നിയമ നടപടികളും സംസ്ഥാനത്ത് ഏകപക്ഷീയമായാണ് നടക്കുന്നത്. മുഖ്യമന്ത്രിയെ ആക്ഷേപിക്കുന്നവര്ക്കെതിരെ കേസ്സെടുക്കുമ്പോള് പ്രധാനമന്ത്രിക്കെതിരെ നീചമായ പ്രചാരണം നടത്തുന്നവര്ക്കെതിരെ ഒരു നടപടിയും സംസ്ഥാന പൊലീസ് സ്വീകരിക്കുന്നില്ല. നൂറിലധികം കേസ്സുകള് മുഖ്യമന്ത്രിയുടെ കാര്യത്തിലെടുത്തപ്പോള് പ്രധാനമന്ത്രിയുടെ കാര്യത്തില് രണ്ടോ മൂന്നോ കേസ്സുകള് മാത്രമാണ് ഇതുവരെ എടുത്തത്. ഈ അടുത്ത കാലത്ത് സി. പി. എം നേതാവ് ജയരാജന് ബി. ജെ. പിയിലേക്ക് എന്ന തരത്തില് ജനം ടി. വി യുടെ ലോഗോ ഉപയോഗിച്ച് സുഡാപ്പികള് നടത്തിയ പ്രചാരണം വലിയ ചര്ച്ചയായതാണ്. ജയരാജന് അന്ന് സംഘപരിവാറിനെയാണ് ഇക്കാര്യത്തില് കുറ്റം പറഞ്ഞത്. അവസാനം പിടിയിലായതോ മലപ്പുറത്തുനിന്നുള്ള എസ്. ഡി. പി. ഐ പ്രവര്ത്തകനും. സി. പി. എമ്മിലെയും എസ്. ഡി. പി. ഐയിലേയും സമാന ചിന്താഗതിക്കാരായ ക്രിമിനലുകളാണ് ഇവിടെ സാമൂഹ്യമാധ്യമരംഗം മലീമസമാക്കുന്നത്. പിന്നെ ചില ഇടതു ബുദ്ധിജീവികളും ഫെമിനിച്ചികളും. നിലപാടുകളിലെ ഐക്യമാണ് സി. പി. എം സൈബര് പോരാളികളും തീവ്രവാദശക്തികളും ഒരുമിക്കാന് കാരണം. പാക്ക് അനുകൂല പ്രചാരണമാണ് ഇരുകൂട്ടരും പല സന്ദര്ഭങ്ങളിലും നടത്തുന്നത്. പൊലീസിലെ സൈബര് വിഭാഗം സി. പി. എമ്മിന്റെ വര്ഗ്ഗസംഘടനയെപ്പോലെയാണ് കേരളത്തില് പെരുമാറുന്നത്.
