ആലപ്പുഴ: സിപിഎമ്മുകാരന്റെ നേതൃത്വത്തില് വയല് നികത്തി. പ്രദേശം വെള്ളക്കെട്ടില്. കടക്കരപ്പള്ളി പഞ്ചായത്ത് എട്ടാം വാര്ഡിലെ ജനങ്ങളാണ് ദുരിതത്തിലായത്. വെമ്പള്ളി കവലയ്ക്ക് കിഴക്കുഭാഗത്തുള്ള വല്യാട്ട് പാടത്തിന് സമീപത്തുള്ള നിലമാണ സിപിഎം മുന് ലോക്കല് കമ്മിറ്റി അംഗത്തിന്റെ നേതൃത്വത്തില് നികത്തിയത്.
കൃഷിയിറക്കിയിരുന്ന പാടത്തിന് നടുവിലൂടെ വര്ഷങ്ങള്ക്ക് മുന്പാണ് ബ്ലോക്ക് പഞ്ചായത്ത് പാട്ടത്തില്മഠം എസ്സി റോഡ് നിര്മ്മിച്ചത്. ഇതിനോട് ചേര്ന്നുള്ള അഞ്ച് സെന്റോളം സ്ഥലമാണ് ഇയാള് നികത്തിയെടുത്തത്. പരാതിയെ തുടര്ന്ന് പഞ്ചായത്തില് നിന്ന് നികത്തരുതെന്ന് ആവശ്യപ്പെട്ടിരുന്നെങ്കിലും പാര്ട്ടി നേതൃത്വത്തിന്റെ പിന്ബലത്തില് ഇയാള് പാടം നികത്തിയെടുക്കുകയായിരുന്നുവെന്ന് നാട്ടുകാര് പറഞ്ഞു.
നിലം നികത്തിയതിനെ തുടര്ന്ന് മഴപെയ്താല് പ്രദേശമാകെ വെള്ളക്കെട്ടിലാകുന്ന സ്ഥിതിയാണ്. നിരവധി കുടുംബങ്ങളാണ് ഇതുമൂലം ദുരിതമുഭവിക്കുന്നത്. പാടം നികത്തിയവര്ക്കെതിരെ പഞ്ചായത്ത് അധികൃതര് നടപടിയെടുക്കുന്നില്ലെന്നും വിമര്ശനം ഉയര്ന്നിട്ടുണ്ട്. വെള്ളക്കെട്ടിന് ശാശ്വത പരിഹാരം കണ്ട് ജനജീവിതം സുരക്ഷിതമാക്കണമെന്ന ആവശ്യം ശക്തമായിട്ടുണ്ട്.
