മാഞ്ചസ്റ്റര്: കനത്ത മഴ മൂലം നിര്ത്തിവെച്ച ഇന്ത്യ- ന്യൂസിലാന്ഡ് സെമി ഇന്ന് പുനരാരംഭിക്കും. 46.1 ഓവറില്, 5 വിക്കറ്റിന് 211 റണ്സ് എന്ന നിലയിലാകും ഇന്ന് ഇന്നിംഗ്സ് പുനരാരംഭിക്കുക.
കളിക്കിടെ മഴ വില്ലനായി എത്തിയതോടെ ഓവറുകള് വെട്ടിച്ചുരുക്കി ഇന്നലെത്തന്നെ മത്സരം തീര്ക്കാന് അമ്പയര്മാര് ആദ്യം തീരുമാനിച്ചെങ്കിലും മഴ ശമിക്കാത്തതിനെ തുടര്ന്ന് ഇത് ഉപേക്ഷിക്കുകയായിരുന്നു. ഇതോടെ റിസര്വ് ദിനമായ ഇന്ന് ബാക്കി കളി പുര്ത്തിയാക്കാനും അമ്പയര്മര് തീരുമാനമെടുക്കുകയായിരുന്നു. അതേസമയം ഇന്നും കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥാ പ്രവചനം
ടോസ് നേടി ആദ്യം ബാറ്റു ചെയ്ത് കീവീസ് 46.1 ഓവറില് അഞ്ചു വിക്കറ്റിന് 211 റണ്സിലെത്തിയപ്പോഴാണ് മഴ എത്തിയത്. ന്യൂസിലന്ഡ് ഇന്നിങ്സില് ഇനി 23 പന്തുകള് ബാക്കിയുണ്ട്. അത് ഇന്ന് പൂര്ത്തിയാക്കും. 47ആം ഓവറിലെ ആദ്യ പന്ത് എറിഞ്ഞ ഭുവനേശ്വര് കുമാറാണ് ഇന്ന് കളിക്ക് തുടക്കമിടുക.
മത്സരം നിര്ത്തുമ്പാള് 67 റണ്സുമായി റോസ് ടെയ്ലറും, മൂന്ന് റണ്സുമായി ടോം ലാഥമായിരുന്നു ക്രീസില്. ഇരുവരും ഇന്ന് ബാറ്റിങ് തുടരും. ബാക്കിയുള്ള നാല് ഓവറുകള് ബുംറയും ഭുവനേശ്വര് കുമാറും ചേര്ന്ന് പൂര്ത്തിയാക്കും.
