പത്തനംതിട്ട: ശബരിമലയില് സമ്മര്ദ്ദം വേണ്ടിവരില്ലെന്നും കേന്ദ്രം നിയമം നിര്മ്മിച്ചോളുമെന്നും ശബരിമല കര്മസമിതി. ശബരിമല ആചാരസംരക്ഷണത്തിന് കേന്ദ്രസര്ക്കാര് നിയമനിര്മ്മാണം നടത്തുമെന്ന് ശബരിമല കര്മസമിതി രക്ഷാധികാരി സ്വാമി ചിദാനന്ദപുരി പറഞ്ഞു. ഇക്കാര്യത്തില് കര്മസമിതിയുടെ സമ്മര്ദ്ദത്തിന്റെ ആവശ്യം വരില്ലെന്നും പ്രധാനമന്ത്രി ഇക്കാര്യത്തില് ഉറപ്പു നല്കിയിട്ടുണ്ടെന്നും അദ്ദേഹം ഒരു ചാനലിനോട് വ്യക്തമാക്കി.
പന്തളത്ത് ചേര്ന്ന് കര്മ്മസമിതിയുടെ സംസ്ഥാന സമിതിയോഗത്തിന് മുന്നോടിയായാണ് അദേഹം ഇക്കാര്യം വ്യക്തമാക്കിയത്. സംസ്ഥാന വ്യാപകമായി നേരത്തെ നടത്തി വന്ന പ്രചാരണപ്രവര്ത്തനങ്ങളും സമരപരിപാടികളും ശക്തമായി മുന്നോട്ട് കൊണ്ടു പോകാനാണ് ശബരിമല കര്മസമിതി യോഗത്തിലുണ്ടായ തീരുമാനം.
ശബരിമല യുവതി പ്രവേശനവുമായി ബന്ധപ്പെട്ട വിഷയം സുപ്രീം കോടതിയുടെ പരിഗണനയിലെന്ന് കേന്ദ്ര നിയമകാര്യ മന്ത്രി രവിശങ്കര് പ്രസാദ് ഇന്നലെ ലോകസഭയില് പറഞ്ഞിരുന്നു. യുവതി പ്രവേശന വിധിക്കെതിരായ പുന:പരിശോധനാ ഹര്ജികളില് വാദം കേട്ട സുപ്രീം കോടതി വിധി പറയാന് മാറ്റി വച്ചിരിക്കുകയാണ്. ഇതാണ് രവി ശങ്കര് പ്രസാദ് ചൂണ്ടിക്കാണിച്ചത്.
