തിരുവനന്തപുരം : മുന് വിജിലന്സ് ഡയറക്ടര് ജേക്കബ് തോമസിന്റെ സ്വയം വിരമിക്കലിനെ (വിആര്എസ്) എതിര്ത്ത് സംസ്ഥാന സര്ക്കാര് കേന്ദ്രത്തിന് കത്തയച്ചു. സര്ക്കാരിനെ വിമര്ശിച്ചതിനും സര്വീസ് ചട്ടലംഘനത്തിനും സസ്പെന്ഷനിലായ ഉദ്യോഗസ്ഥനാണ് ജേക്കബ് തോമസെന്ന് ചൂണ്ടിക്കാട്ടിയാണ് കേരളം കേന്ദ്ര സര്ക്കാരിന് കത്തെഴുതിയിരിക്കുന്നത്.
സംസ്ഥാനം എതിര്ക്കുന്ന സാഹചര്യത്തില് ജേക്കബ് തോമസിന് സ്വയം വിരമിക്കാനോ, അതിന്അനുവാദം നല്കാനോ സാധിക്കില്ല. കഴിഞ്ഞ ദിവസം പേഴ്സണല് മന്ത്രാലയത്തിന് പിണറായി സര്ക്കാര് അയച്ച റിപ്പോര്ട്ടിലാണ് ഇത്തരത്തില് ജേക്കബ് തോമസ്സിന്റെ കുറ്റങ്ങള് ഒരോന്നായി പ്രതിപാദിച്ച് രൂക്ഷ വിമര്ശനങ്ങള് ഉന്നയിച്ചിട്ടുള്ളത്.
ഓഖി, പ്രളയം എന്നീ പ്രകൃതി ദുരന്തങ്ങള് സംസ്ഥാനത്ത് നാശനഷ്ടങ്ങള് വരുത്തിയപ്പോള് സര്ക്കാരിനെ വിമര്ശിച്ചെന്നും അനുവാദമില്ലാതെ സര്വീസ് സ്റ്റോറിയെഴുതി ഔദ്യോഗിക രഹസ്യങ്ങള് വെളിപ്പെടുത്തി, ഇത് ഗുരുതരമായ ചട്ടലംഘനമാണെന്നും സംസ്ഥാന സര്ക്കാരിന്റെ റിപ്പോര്ട്ടിലൂണ്ട. തുറമുഖ ഡയറക്ടറായിരിക്കെ ഡ്രെഡ്ജര് വാങ്ങിയതിലെ ക്രമക്കേടില് വിജിലന്സ്, െ്രെകംബ്രാഞ്ച് അന്വേഷണ റിപ്പോര്ട്ടും ചേര്ത്തിട്ടുണ്ട്.
ലോക്സഭാ തെരഞ്ഞെടുപ്പില് ചാലക്കുടി മണ്ഡലത്തില് മല്സരിക്കുന്നതിനാണു ജേക്കബ് തോമസ് സ്വയം വിരമിക്കലിനു അപേക്ഷിച്ചത്. സംസ്ഥാന സര്ക്കാര് അംഗീകരിക്കാത്തതിനെ തുടര്ന്ന് അദ്ദേഹം കേന്ദ്രത്തെ സമീപിക്കുകയായിരുന്നു. എന്നാല് കേന്ദ്രത്തിന് അനുകൂല നിലപാടെടുക്കാനുള്ള സാധ്യത അടച്ചുകൊണ്ടുള്ള റിപ്പോര്ട്ടാണ് സംസ്ഥാനം നല്കിയത്.
