ഒസാക്ക: സ്വന്തം രാജ്യത്ത് വലിയ ക്രമക്കേടുകള് കാട്ടി കോടികളുമായി വിദേശ രാജ്യങ്ങളിലേക്ക് മുങ്ങുന്നവര്ക്കെതിരെ കടുത്ത നടപടി വേണമെന്ന് ഇന്ത്യ ജി 20 രാജ്യങ്ങളോട് ആവശ്യപ്പെട്ടു. പ്രധാനമന്ത്രി നരേന്ദ്ര മോദിയാണ് ആവശ്യമുന്നയിച്ചത്.
ഇത്തരക്കാരെ കര്ശനമായി നേരിടണമെന്നാണ് ഇന്ത്യ 20 രാജ്യങ്ങളുടെ കൂട്ടായ്മയോട് ആവശ്യപ്പെട്ടത്. നികുതി വെട്ടിപ്പ്, അഴിമതി, സാമ്പത്തിക കുറ്റകൃത്യങ്ങള്, അഴിമതി നടത്തി പണവുമായി വിദേശത്തേക്ക് കടക്കുന്നവര് തുടങ്ങിയവക്കെതിരെ ഇന്ത്യ ശക്തമായി നീങ്ങുന്നു.
പ്രധാനമന്ത്രി നരേന്ദ്ര മോദി പല അന്താരാഷ്ട്ര വേദികളിലും ഈ വിഷയം ഉന്നിച്ചിട്ടുണ്ടെന്നും സംഘത്തിലെ ഇന്ത്യന് പ്രതിനിധി സുരേഷ് പ്രഭു വാര്ത്താസമ്മേളനത്തില് പറഞ്ഞു. പണവുമായി രാജ്യം വിടുന്നവര്ക്കെതിരെ ആഗോള സമൂഹത്തിന് കുത്ത നടപടിയെടുക്കാന് കഴിയും.
കാലാവസ്ഥാ വ്യതിയാനം, ശുദ്ധമായ ഊര്ജജം, പരിസ്ഥിതി സംരക്ഷണം, കൃഷി, ടൂറിസം തുടങ്ങിയവയുമായി ബന്ധപ്പെട്ട നിരവധി വിഷയങ്ങള് സമ്മേളനത്തില് ഇന്ത്യ ഉന്നയിച്ചതായി അദ്ദേഹം പറഞ്ഞു.
