തിരുവനന്തപുരം: ഹിന്ദു സ്ത്രീകളെ ആക്ഷേപിച്ച ‘മീശ’ നോവലിനെ ആവിഷ്കാര സ്വാതന്ത്രത്തിന്റെ പേരില് പിന്തുണച്ച പ്രതിപക്ഷ നേതാവ് കാര്ട്ടൂണ് വിവാദത്തില് മറുകണ്ടം ചാണ്ടി. ബിഷപ്പ് ഫ്രാങ്കോയെ പൂവന്കോഴിയാക്കിയ കാര്ട്ടൂണിന് ആവിഷ്കാര സ്വാതന്ത്രമില്ലെന്നാണ് രമേശ് ചെന്നിത്തലയുടെ നിലപാട്്
കാര്ട്ടൂണ് വിവാദത്തില് കടുത്ത അതൃപ്തിയുണ്ടെന്ന് അദേഹം പറഞ്ഞു. സംഭവം പ്രതിഷേധാര്ഹമാണ്. ആവിഷ്കാര സ്വാതന്ത്ര്യത്തിന്റെ പേരില് മതചിഹ്നങ്ങളെ അധിക്ഷേപികുന്നത് അംഗീകരിക്കാനാകില്ല. മതസൗഹാര്ദ്ദത്തെ തകര്ക്കുന്ന നടപടിയില് പ്രതിഷേധിക്കുന്നുവെന്നുമാണ് ഇന്ന് പ്രതിപക്ഷ നേതാവ് പറഞ്ഞത്. ലളിതകല അക്കാദമിയുടെ പുരസ്കാരം നേടിയ കാര്ട്ടൂണിനെ ചൊല്ലിയാണ് വിവാദം ഉടലെടുത്തത്. കേരള ശബ്ദത്തിന്റെ സഹ പ്രസിദ്ധീകരണമായ ഹാസ്യകൈരളിയില് പ്രസിദ്ധീകരിച്ച കാര്ട്ടൂണ് മത ചിഹ്നങ്ങളെ വ്രണപ്പെടുത്തുന്നു എന്നായിരുന്നു ആക്ഷേപം.സുഭാഷ് കെ കെ വരച്ച കാര്ട്ടൂണാണ് സമൂഹ മാധ്യമങ്ങളില് വലിയ പ്രതിഷേധം ഏറ്റുവാങ്ങിയതിന് പിന്നാലെയാണ് പ്രതിപക്ഷ നേതാവിന്റെ പ്രതികരണം.
എന്നാല് അമ്പലത്തില് പോകുന്ന ഹിന്ദു സ്ത്രീകളെ അടച്ച് ആക്ഷേപിച്ചു കൊണ്ടുള്ള മീശ േനാവലിന് എല്ലാവിധ പിന്തുണയും രമേശ് ചെന്നിത്തല നല്കിയിരുന്നു.എസ്. ഹരീഷിനെ ഫോണില് വിളിച്ചു ഐക്യദാര്ഢ്യം അറിയിക്കുകയും. പ്രതിഷേധം മൂലം പിന്വലിച്ച മീശ നോവല് തന്റെ മകന്റെ നേതൃത്വത്തില് പ്രവര്ത്തിക്കുന്ന ശ്രേഷ്ഠ പബ്ലിക്കേഷന് പുറത്തിറക്കാന് തയാറാണെന്നും ചെന്നിത്തല അറിയിച്ചു. ഈ ആവിഷ്കാര സ്വാതന്ത്ര നിലപാടില് മറുകണ്ടം ചാടിയാണ് രമേശ് ചെന്നിത്തല ഇപ്പോള് രംഗത്ത് എത്തിയിരിക്കുന്നത്.
അതേസമയം, സമൂഹ മാധ്യമങ്ങളില് ഉയരുന്ന വിമര്ശനങ്ങളുടെ അടിസ്ഥാനത്തില് സര്ക്കാര് കാര്ട്ടൂണ് പരിശോധിച്ചുവെന്നും ആ കാര്ട്ടൂണ് മതചിഹ്നങ്ങളെ അവഹേളിക്കുന്നതാണെന്ന് സര്ക്കാര് വിലയിരുത്തിയെന്നും സാസ്കാരിക മന്ത്രി എകെ ബാലന് പറഞ്ഞു. ഫ്രാങ്കോ മുളയ്ക്കലിനെ അപഹസിച്ച് ചിത്രീകരിച്ച കാര്ട്ടൂണാണിത്. മതചിഹ്നങ്ങളെ ഉപയോഗിക്കരുതായിരുന്നെന്നും മന്ത്രി എ കെ ബാലന് പറഞ്ഞു.
