കളമശ്ശേരി: പാതാളം ഇഎസ്ഐ ആശുപത്രിയെ ഒരു വര്ഷത്തിനുള്ളില് സൂപ്പര് സ്പെഷ്യാലിറ്റി ആശുപത്രിയാക്കുമെന്ന് പ്രഖ്യാഎനം. ബി എം എസ് ദേശീയ നിര്വ്വാഹക സമിതി അംഗവും ,ഇ എസ് ഐ കോര്പ്പറേഷന് ബോര്ഡ് സ്റ്റാഡിങ് കമ്മറ്റി അംഗവുമായ വി. രാധാകൃഷ്ണന് പാതാളം ഇ എസ്ഐ സന്ദര്ശിച്ചശേഷമാണ് പ്രഖ്യാപനം.
വര്ഷകാല രോഗങ്ങളുടെ മുന്നൊരുക്കങ്ങളെക്കുറിച്ചും എറണാകുളം ജില്ലയെ ഭീതിയിലാഴ്ത്തിയ നിപ്പ രോഗത്തെക്കുറിച്ചും, ഇഎസ്ഐ നിപ്പക്കെതിരെയുള്ള എടുത്തിട്ടുള്ള മുന്കരുതലുകളെ കുറിച്ചും ഇപ്പോഴുള്ള സാഹചര്യങ്ങളെക്കുറിച്ചും വിലയിരുത്തി. ഒരു വര്ഷത്തിന്നുള്ളില് 180 കിടത്തി ചികിത്സ സംവിധാനങ്ങളും, ഐ സി യു, വെന്റിലേറ്റര്, എന്ഐസിയു, മോര്ച്ചറി, മൊബൈല് ഫ്രീസര്, തടങ്ങിയവയും ഒരുവര്ഷത്തിനുള്ളില് പാതാളം ഇഎസ്ഐയില് വരുമെന്ന് അദ്ദേഹം പറഞ്ഞു.
ഒരു വര്ഷത്തിനുള്ളില് അമ്മയും കുഞ്ഞും കിടക്കുന്ന വാര്ഡും, റിസപ്ഷനും ശീതവല്ക്കരിക്കും (എസി). ആശുപത്രിക്ക് ചുറ്റുമതില് നിര്മ്മിക്കും. ആശുപത്രി വികസനത്തിനു മാത്രം 100 കോടി രൂപയും,കെട്ടിട നിര്മാണത്തിന് വേറെ തുകയും നീക്കിവച്ചു. ഇതിനുള്ള നടപടിക്രമങ്ങള് പൂര്ത്തിയായി വരുന്നു.
ജില്ലയുടെ വിവിധ ഭാഗങ്ങളിലുള്ള 100 കണക്കിന് ആളുകളാണ് പാതാളം ഇ എസ് ഐ യെ ആശ്രയിച്ചുകൊണ്ടിരിക്കുന്നത്. ഇഎസ്ഐയെ സംബന്ധിച്ച വിവരങ്ങള് ആശുപത്രി ജീവനക്കാരോടും രോഗികളോടും അവര് നേരിടുന്ന ബുദ്ധിമുട്ടുകള്, പ്രയാസങ്ങള് രാധാകൃഷ്ണന് ചോദിച്ചറിഞ്ഞു. തുടര്ന്ന് വിവിധ രാഷ്ട്രീയ പ്രതിനിധികള് ,ഏലൂര് നഗരസഭയുടെ മുന് ചെയര്മാന് അയൂബ്, വാര്ഡ് കൗണ്സിലര്, തൊഴിലാളി സംഘടന നേതാവായ അബൂബേക്കര്, തുടങ്ങിയവര് നിവേദനം രാധാകൃഷ്ണനു കൈമാറി.
ആശുപത്രി സൂപ്രണ്ട് ദേവദാസും ഡെപ്യൂട്ടി ഡയറക്ടര് ജി കുറുപ്പനുമായി ആശുപത്രിയിലെ വികസന കാര്യങ്ങളെക്കുറിച്ച് സംസാരിച്ചു. ബിഎംഎസ് ജില്ല ജോയിന്റ് സെക്രട്ടറി വി വി ശ്രീവിജി, മേഖല സെക്രട്ടറി കെ.എസ്. ഷിബു, മേഖല പ്രസിഡന്റ് പി.ആര്. മോഹനന്, ബിജെപി കളമശേരി മണ്ഡലം വൈസ്പ്രസിഡന്റ് വി.വി. പ്രകാശന് തുടങ്ങിയവര് ഒപ്പം ഉണ്ടായിരുന്നു.
