തിരുവനന്തപുരം: അഗസ്ത്യ മലനിരകള് അടക്കിവാണ തെറ്റാടിമൂപ്പന്. 200 വര്ഷം മുമ്പ് തിരുവിതാംകൂര് രാജവംശത്തിന് ഭീഷണിയായ മറവപ്പടയെ തുരത്താന് കാടകത്ത് പോര്മുഖം തീര്ത്ത വീരനായകന്. ചരിത്രത്തിന്റെ ഏടുകളില് എവിടെയോ മറഞ്ഞ ‘തെറ്റാടിമൂപ്പനെ’ അക്ഷരങ്ങളിലൂടെ പുനസൃഷ്ടിക്കുകയാണ് വിളപ്പിലിന്റെ സ്വന്തം കഥാകാരന് അനില് പി.ശിവശക്തി.
പേയാട് മിണ്ണംകോട് കുരിയോട്ടുകോണം അനില് ഭവനില് മണ്വിള എഞ്ചിനീയറിംഗ് കോളേജ് ജീവനക്കാരന് അനില് എഴുതുന്ന പുതിയ നോവലാണ് തെറ്റാടിമൂപ്പന്. കാല്പ്പനികതയ്ക്ക് ഭാവനയുടെ ചിറകണിയിക്കുന്ന നോവല്. രാജഭക്തിയും രാജ്യസ്നേഹവും ജീവതാളമാക്കിയ കാടിന്റെ മക്കളുടെ കഥ. അനിലിന്റേതായി പുറത്തിറങ്ങുന്ന നാലാമത്തെ പുസ്തകമാണ് തെറ്റാടിമൂപ്പന്.
കനല്വഴിയിലെ അഗ്നിബീജങ്ങള് (കവിത), അവള് കാപാലിക (നോവല്), തോട്ടി (ചെറുകഥാ സമാഹാരം) എന്നിവയാണ് ഇതിനോടകം പുസ്തകരൂപത്തില് പുറത്തുവന്ന സാഹിത്യ സൃഷ്ടികള്. ഇതുകൂടാതെ കഴിഞ്ഞ രണ്ട് പതിറ്റാണ്ടുകള്ക്കിടെ ആനുകാലികങ്ങളിലൂടെ പ്രസിദ്ധീകരിക്കപ്പെട്ട അനിലിന്റെ നൂറുകണക്കിന് കഥകളും കവിതകളും വായനക്കാരുടെ ഹൃദയം കവര്ന്നിട്ടുണ്ട്.
രണ്ടു വര്ഷത്തെ ഗവേഷണങ്ങള്ക്കും പഠനങ്ങള്ക്കും ശേഷമാണ് തെറ്റാടിമൂപ്പനെന്ന വനവാസി ജീവിതങ്ങളുടെ ചൂടും ചൂരും വരച്ചുകാട്ടുന്ന നോവല് അനില് പൂര്ത്തിയാക്കിയത്. മെലിന്ഡ ബുക്സ് ഉടന് വായനക്കാരില് എത്തിക്കുന്ന ഈ നോവല് മലയാളികള്ക്ക് ലക്ഷണമൊത്ത ഒരു വായനാ അനുഭവം സമ്മാനിക്കുമെന്നതില് തര്ക്കമില്ല.
എഴുത്തുവഴിയില് ഭാര്യ ബിന്ദുവും ഏകമകള് ഗൗരിയും അനിലിന് പിന്തുണയുമായി ഒപ്പമുണ്ട്. തിരക്കുള്ള ജോലിയിലെ ഇടവേളകളിലും ഒഴിവുദിനങ്ങളിലുമാണ് അനിലിലെ സാഹിത്യകാരന് ഉണരുന്നത്.
