കൊച്ചി: ശ്രീലങ്കന് ചാവേറാക്രമണങ്ങളെത്തുടര്ന്ന് അറസ്റ്റിലായ പാലക്കാട് സ്വദേശി റിയാസ് അബൂബക്കറിനെ കസ്റ്റഡിയില് വിട്ടുകിട്ടണമെന്ന എന്ഐഎയുടെ അപേക്ഷ കോടതി തിങ്കളാഴ്ച പരിഗണിക്കും. കേരളത്തില് മനുഷ്യ ബോംബാക്രമണം നടത്താന് പദ്ധതിയിട്ടെന്ന വെളിപ്പെടുത്തലിന്റെ അടിസ്ഥാനത്തില് കൂടുതല് ചോദ്യം ചെയ്യുന്നതിനാണ് കൊച്ചിയിലെ എന്ഐഎ കോടതിയില് അപേക്ഷ നല്കിയത്. റിയാസ് 30 വരെ റിമാന്ഡിലമാണ്.
ഐഎസ് കേസില് കാസര്കോട് സ്വദേശികളായ അഹമ്മദ് അരാഫത്, അബൂബക്കര് സിദ്ധിഖ് എന്നിവരെ എന്ഐഎ വീണ്ടും ചോദ്യം ചെയ്തു. തിങ്കളാഴ്ചയാണ് ഇരുവരെയും നോട്ടീസ് നല്കി ഓഫീസില് വിളിച്ചുവരുത്തിയത്. തുടര്ന്ന് രണ്ട് പ്രാവശ്യം ചോദ്യം ചെയ്തു. തമിഴ്നാട്ടില് പിഎംകെ പ്രവര്ത്തകന് രാമലിംഗത്തെ കൊലപ്പെടുത്തിയ കേസില് പോപ്പുലര് ഫ്രണ്ട്, എസ്ഡിപിഐ കേന്ദ്രങ്ങളില് എന്ഐഎ കൊച്ചി സംഘം പരിശോധന തുടരുകയാണ്.
ഈ കേസിലെ പ്രതികളുമായി അഹമ്മദിനും അബൂബക്കറിനും ബന്ധമുണ്ടോയെന്ന് പരിശോധിക്കും. സിറിയയിലും അഫ്ഗാനിസ്ഥാനിയും ഐഎസില് ചേര്ന്ന മലയാളികളുമായി ഇരുവരും ബന്ധപ്പെട്ടിരുന്നതായി എന്ഐഎ കണ്ടെത്തിയിരുന്നു.
