തിരുവനന്തപുരം: കള്ളവോട്ടില് ഇനിയും നിരവധി പരാതികള് അന്വേഷണത്തില്. നിലവിലുള്ള മൂന്നു കേസുകള്ക്ക് പുറമെ രണ്ടു കേസുകള് കൂടി ജില്ലാ കളക്ടര്മാര് പരിശോധിക്കുന്നു.
കണ്ണൂരും കാസര്കോട്ടും മാത്രമല്ല സംസ്ഥാനത്ത് ഉടനീളം തെരഞ്ഞെടുപ്പില് ക്രമക്കേട് നടന്നുവെന്നാണ് വിവരം. വിദേശത്തുള്ളവരുടെ വോട്ടുകള് വ്യാപകമായി ചെയ്തിട്ടുണ്ടെന്നും സൂചന. മാത്രമല്ല വോട്ടര്പട്ടികയിലെ ഇരട്ടിപ്പ് പൂര്ണമായും കണ്ടെത്തിയിരുന്നില്ല. ഇതും വ്യാപകമായ കള്ളവോട്ടിന് ഇടയാക്കി. ഇതിന് ഇടത്-വലത് മുന്നണികള് ബൂത്തുകളില് മൗനാനുവാദം നല്കി.
വിദേശത്തുള്ളവര് വോട്ട് ചെയ്തോയെന്ന് വിശദമായ പരിശോധനയില് മാത്രമേ കണ്ടെത്താനാകൂ. എല്ലാ ബൂത്തുകളിലും വിദേശത്തുള്ളവരെ കണ്ടെത്തുക പ്രയാസമാണ്. തെരഞ്ഞെടുപ്പ് കേസില് ബിജെപി നേതാവ് കെ. സുരേന്ദ്രന് മഞ്ചേശ്വരത്തെ വോട്ടിങ്ങിനെക്കുറിച്ച് ഹൈക്കോടതിയില് ഉന്നയിച്ച കാര്യങ്ങള് ഇത്തവണയുമുണ്ടായി എന്നാണ് സൂചന.
എല്ലാ ബൂത്തുകളിലും വീഡിയോ സംവിധാനം ഏര്പ്പെടുത്തിയിട്ടില്ല. അതിനാല് മറ്റ് ബൂത്തുകളില് ഒരാള് ഒന്നിലധികം തവണ എത്തിയോയെന്ന് കണ്ടെത്തുക പ്രയാസമാണ്. ബൂത്ത് ലെവല് ഓഫീസര്മാര് അവരുടെ രാഷ്ട്രീയ താത്പര്യങ്ങള്ക്കനുസരിച്ച് പ്രവര്ത്തിക്കുന്നുവെന്ന് തുടക്കത്തില് തന്നെ ആരോപണമുയര്ന്നിരുന്നു. നിരവധി പേരെ വോട്ടേഴ്സ് ലിസ്റ്റില് നിന്ന് ഒഴിവാക്കിയെന്ന പരാതിയും നിലനില്ക്കുന്നു. മാത്രമല്ല കംപാനിയന് വോട്ടിലും വ്യാപക ക്രമക്കേടുണ്ടായി. ഒപ്പം കയറുന്ന ആളുടെ താത്പര്യത്തിനനുസരിച്ച് വോട്ട് ചെയ്യുന്നതിനെക്കുറിച്ചും പരാതികളുണ്ട്.
പോസ്റ്റല് ബാലറ്റിനെക്കുറിച്ചുള്ള പരാതികളും നിരവധി. പോലീസിലെ ബാലറ്റ് പേപ്പറുകള് പോലീസ് അസോസിയേഷന് നേതാക്കള് പിടിച്ചുവാങ്ങിച്ചത് സംസ്ഥാന ഇന്റലിജന്സ് മേധാവി തന്നെ അന്വേഷിക്കുന്നു. മറ്റ് സര്വീസ് സംഘടനകൡും സമാനമായ സംഭവമുണ്ടായിട്ടുണ്ട്. പത്തനംതിട്ടയില് പോസ്റ്റല് വോട്ട് പിടിച്ചെടുക്കുന്നതില് വനിതാ ഉദ്യോഗസ്ഥരടക്കം പരാതിയുമായി രംഗത്തെത്തി..
ജന്മഭൂമി ഓണ്ലൈന്