ശബരിമല: സന്നിധാനത്തെ വ്യാപാരികളോട് ഭീഷണിയുമായി ദേവസ്വം ബോര്ഡ്. സന്നിധാനത്തെ പോലീസ് നടപടിയെ തുടര്ന്ന് വ്യാപാരം തീരെ കുറഞ്ഞതോടെ സന്നിധാനത്തെ വ്യാപാരികള് പ്രതിസന്ധിയിലാണ്. അതിന് പിന്നാലെയാണ് കടപൂട്ടിക്കുമെന്ന ഭീഷണിയുമായി ദേവസ്വംബോര്ഡ് രംഗത്ത് വന്നത്.
കരാര് കാലാവധി അവസാനിച്ചിട്ടും കുടിശികത്തുക അടയ്ക്കാത്ത സ്ഥാപങ്ങള്ക്കെതിരെയാണ് ചൊവ്വാഴ്ച രാവിലെ പത്തുമണിയോടെ നടപടിയുമായി ഉദേ്യാഗസ്ഥര് എത്തിയത്. നിലയ്ക്കല് മുതല് സന്നിധാനംവരെയുള്ള 122 കച്ചവട സ്ഥാപനങ്ങളില്നിന്ന് 15 കോടിയോളം രൂപയാണ് ദേവസ്വം ബോര്ഡിന് കുടിശിക ഇനത്തില് ലഭിക്കാനുള്ളത്. സന്നിധാനത്ത് മാത്രം 40 കടകളാണ് കുടിശിക അടയ്ക്കാനുള്ളത്. മേടമാസ പൂജയ്ക്ക് മുമ്പായി കുടിശിക തീര്ക്കണമെന്ന് കാട്ടി സ്ഥാപന ഉടമകള്ക്ക് ദേവസ്വം ബോര്ഡ് നോട്ടീസ് നല്കിയിരുന്നു. എന്നാല് മേടമാസ പൂജ അവസാനിക്കാന് ദിനങ്ങള്മാത്രം അവശേഷിക്കെ കുടിശിക അടയ്ക്കാന് വ്യാപാരികള് തയാറാകാതിരുന്നതാണ് നടപടിക്ക് ഇടയാക്കിയത്.
മണ്ഡല മകരവിളക്ക് ഉത്സവത്തിന്റെ അവസാന ഘട്ടത്തിലും അടച്ചുപൂട്ടല് നടപടിക്ക് ബോര്ഡ് മുതിര്ന്നിരുന്നു. അന്ന് വ്യാപാരികളുടെ കൂട്ടപ്രതിഷേധത്തെ തുടര്ന്ന് നടപടിയില്നിന്നും ഉദ്യോഗസ്ഥര് പിന്തിരിഞ്ഞു.
മഹാപ്രളയത്തിന് മുമ്പ് ലേലം കൊണ്ടവര്ക്കാണ് കുടിശിക അധികവും. പ്രളയത്തെ തുടര്ന്നുണ്ടായ നാശനഷ്ടവും യുവതിപ്രവേശന വിധിയെ തുടര്ന്ന് തുലാമാസത്തിലും മണ്ഡല മകരവിളക്ക് കാലത്തും ശബരിമലയിലും പരിസര പ്രദേശങ്ങളിലുമുണ്ടായ സംഘര്ഷാവസ്ഥയും കാരണം തീര്ഥാടകരുടെ വരവ് ഗണ്യമായി കുറഞ്ഞതും വന് നഷ്ടമുണ്ടാക്കി.
സന്നിധാനത്ത് ഭക്തരെ തങ്ങാന് അനുവദിക്കാത്തതും പോലീസിന്റെ അനാവശ്യ നിയന്ത്രണങ്ങളും നിരോധാനാജ്ഞയും വ്യാപാരത്തെ സാരമായി ബാധിച്ചതായി വ്യാപാരികള് പറയുന്നു. ഇക്കാരണങ്ങളാലാണ് കുടിശിക ഉണ്ടായതെന്നും കുടിശിക അടച്ചുതീര്ക്കാന് സമയം അനുവദിക്കണമെന്നുമാണ് വ്യാപാരികളുടെ ആവശ്യം.
