ഇടുക്കി: ഡാം തുറന്നതില് പാളിച്ചയുണ്ടെന്ന് റിപ്പോര്ട്ട് സമര്പ്പിച്ച അമിക്കസ് ക്യൂറിക്കെതിരെ മന്ത്രി എംഎം മണി. അമിക്കസ് ക്യൂറി രാഷ്ട്രീയം കളിക്കുകയാണ്. അമിക്കസ് ക്യൂറി യുപിഎ സര്ക്കാറിന്റെ കാലത്തെ വക്കീലാണെന്നും പരിശോധനാ റിപ്പോര്ട്ട് മാധ്യമങ്ങള്ക്ക് ചോര്ത്തി നല്കിയെന്നും മന്ത്രി ഇടുക്കി മുരിക്കാശ്ശേരിയില് പറഞ്ഞു.
ജോയിസ് ജോര്ജിന്റെ തിരഞ്ഞെടുപ്പ് പ്രചാരണ പരിപാടിയില് പങ്കെടുത്ത് സംസാരിക്കവേയാണ് മന്ത്രി അമിക്കസ് ക്യൂറിക്കെതിരെ തിരിഞ്ഞത്. പ്രളയത്തില് ഡാം തുറന്നുവിട്ടതില് സര്ക്കാരിന് പാളിച്ചപറ്റിയെന്ന് അമിക്കസ് ക്യൂറി ഹൈക്കോടതിയില് റിപ്പോര്ട്ട് നല്കിയിരുന്നു. സംസ്ഥാനത്തുണ്ടായ പ്രളയം മനുഷ്യനിര്മ്മിതമാണെന്നും റിപ്പോര്ട്ടില് പറഞ്ഞിരുന്നു. ഇതേക്കുറിച്ച് ജുഡീഷ്യല് അന്വേഷണം നടത്തണമെന്നും അമിക്കസ് ക്യൂറി ഹൈക്കോടതിയില് നല്കിയ റിപ്പോര്ട്ടില് ആവശ്യപ്പെട്ടിരുന്നു.
പ്രളയം നേരിട്ടപ്പോള് സര്ക്കാര് കൈക്കൊണ്ട നടപടികളില് വീഴ്ചപറ്റിയിട്ടുണ്ടെന്നും ഇതേക്കുറിച്ച് വിശദമായ അന്വേഷണം വെണമെന്നും ആവശ്യപ്പെട്ട് പതിനഞ്ചോളം ഹര്ജികളാണ് കേരളഹൈക്കോടതിയില് സമര്പ്പിച്ചത്. ഈ ഹര്ജികളില് കോടതിയെ സഹായിക്കാനാണ് അമിക്കസ് ക്യൂറിയെ ഹൈക്കോടതി നിയമിച്ചത്.
