കൊച്ചി: നടിയെ ആക്രമിച്ച് അശ്ലീല ദൃശ്യങ്ങള് പകര്ത്തിയ കേസിലെ വിചാരണ ആറ് മാസത്തിനുള്ളില് പൂര്ത്തിയാക്കാന് ഹൈക്കോടതി നിര്ദേശിച്ചു. രണ്ടാം പ്രതി മാര്ട്ടിന് ആന്റണിയുടെ ജാമ്യാപേക്ഷ തള്ളിയാണ് സിംഗിള് ബെഞ്ചിന്റെ നിര്ദേശം.
ഒന്പതാം തവണയാണ് മാര്ട്ടിന്റെ ജാമ്യാപേക്ഷ ഹൈക്കോടതി തള്ളുന്നത്. നടിയെ കേസിലെ ഒന്നാം സാക്ഷിയുടെ അടുത്തേക്ക് കൊണ്ടുവിട്ടത് താനാണെന്നും അന്വേഷണത്തില് നിന്ന് ഒളിച്ചോടാന് ശ്രമിച്ചിട്ടില്ലെന്നും മാര്ട്ടിന് വാദിച്ചു.
കേസില് മുഖ്യപ്രതിയായ നടന് ദിലീപ് 85 ദിവസമാണ് റിമാന്ഡില് കഴിഞ്ഞത്. പിന്നീട് പുറത്തിറങ്ങി സിനിമയില് അഭിനയിക്കുന്നു, പൊതുപരിപാടികളില് പങ്കെടുക്കുന്നു.
2017 ഫെബ്രുവരി 18ന് അറസ്റ്റിലായ താന് രണ്ടു വര്ഷത്തിലേറെയായി ജയിലിലാണെന്നും ഹര്ജിക്കാരന് ബോധിപ്പിച്ചു. തുടര്ന്നാണ് വിചാരണ സമയബന്ധിതമായി പൂര്ത്തിയാക്കാന് നിര്ദേശിക്കേണ്ടതുണ്ടെന്ന് ഹൈക്കോടതി വ്യക്തമാക്കിയത്.
ന്യായമായ വിചാരണ അന്തസ്സോടെ ജീവിക്കാനുള്ള പൗരന്റെ അവകാശത്തിന്റെ ഭാഗമാണെന്നും വിധിയുടെ പകര്പ്പ് വിചാരണക്കോടതിക്ക് നല്കാനും ഹൈക്കോടതി നിര്ദേശിച്ചിട്ടുണ്ട്.
