ഈഎംഎസ് മുതല് വി.എസ്. അച്യുതാനന്ദന് വരെയുള്ള ഇടത് മുഖ്യന്മാരും ആര്. ശങ്കര് മുതല് ഉമ്മന്ചാണ്ടിവരെയുള്ള വലത് മുഖ്യന്മാരും ഭരണ പ്രതിപക്ഷ ഭേദമില്ലാതെ നിയമസഭയ്ക്ക് അകത്ത് പരസ്പര ബഹുമാനം പുലര്ത്തിയിരുന്നു. ഇപ്പോഴത്തെ എല്ഡിഎഫ് ഭരണം കേരളം കണ്ട ഏറ്റവും നാണംക്കെട്ട ഭരണകൂടമാണെന്ന് നിസംശ്ശയം പറയാം.
ഈ സര്ക്കാര് അധികാരത്തില് വന്നശേഷം കേരളത്തിലുണ്ടായ ദുരിതങ്ങളോ കൊലപാതകങ്ങളോ ചര്ച്ച ചെയ്യാന് സഭ സമ്മേളിക്കാന് തയ്യാറാകാതെ പ്രതിപക്ഷത്തെ പാടെ അവഗണിച്ച് സഖാവിനെപ്പോലെ ന്യായീകരണമുഖ്യനായി പിണറായി അധപതിച്ചു. ജനപ്രതിനിധികള് ജനങ്ങളാല് തെരഞ്ഞെടുക്കപ്പെട്ടവരാണ്. നാടിന്റെ വിഷമതകളും പരിമിതികളും വികസനത്തിലൂന്നി ചര്ച്ച ചെയ്ത് പരിഹാരം കാണേണ്ടതിനുംപകരം കമ്മ്യൂണിസ്റ്റ് പാര്ട്ടിയുടെ മണ്ടന് നിലപാടുകള് അടിച്ചേല്പ്പിക്കുന്ന കിരാതനയം കൈക്കൊള്ളുകയാണ് മുഖ്യന്. മുഖ്യന് പറയുന്നത് പ്രതിപക്ഷം ഡസ്കിലടിച്ച് പാസ്സാക്കുന്നു
ഖജനാവിലെ നികുതിപ്പണം നാടിന്റെ വികസനത്തിന് ഉപയോഗിക്കാതെ ജനപ്രതിനിധികളുടെ അലവന്സും ശമ്പളവും വര്ദ്ധിപ്പിക്കാനും വിദേശയാത്രകള് നടത്താനും പാര്ട്ടിപ്രചരണത്തിനും നവോത്ഥാന പേരുപറഞ്ഞ് മതില് നിര്മ്മിക്കാനും പാര്ട്ടിഫണ്ട് വര്ദ്ധിപ്പിക്കാനും കട്ടുമുടിക്കുന്ന സര്ക്കാരായ എല്ഡിഎഫ് ഭരണം.
നിയമസഭ സമ്മേളിക്കുന്നത് സമരം നടത്താനാണോ? സമ്മേളനദിവസം അലവന്സും ശമ്പളവും ഉറപ്പാക്കിയശേഷം സഭ ബഹിഷ്കരിച്ച് പ്രതിപക്ഷം ഇറങ്ങിപ്പോക്കുനടത്തുന്നു. ഇതിനാണോ ഇവരെ തെരഞ്ഞെടുത്തത്. ഇങ്ങനെയൊരു ഭരണം ആവശ്യമാണോ? ജനം ചിന്തിക്കേണ്ട വിഷയമാണ്.
നിയമസഭയ്ക്ക് അകത്ത് പ്രതിപക്ഷം ഭരണവിരുദ്ധ വികാരം പ്രകടിപ്പിക്കാന് സമരമുറകള് ആവിഷ്കരിക്കുമ്പോള് സ്പീക്കര് സമരക്കാരോടായി ‘ഇത് നിയമസഭയാണ്, സഭയ്ക്ക് അകത്ത് മര്യാദകള് പാലിക്കണം’ എന്ന് വേശ്യായുടെ ചാരിത്രപ്രസംഗംപോലെ ഉപദേശിക്കുന്നതും ശാസിക്കുന്നതും ദൃശ്യമാധ്യമങ്ങളിലൂടെ കാണുമ്പോള് പ്രതിപക്ഷത്തായിരുന്നപ്പോള് സ്പീക്കര്ഡയസ്സ് തല്ലിപ്പൊളിക്കുന്നതിന്റെ പഴയ ദൃശ്യം ഓര്മ്മയില് വരും. നിയമസഭ മന്ദിരം സമരഭൂമിയാക്കിയ സഖാക്കളുടെ പ്രവൃത്തിയെ ന്യായീകരിച്ച് പ്രതികളെ കുറ്റവിമുക്തരാക്കിയ കമ്മ്യൂണിസ്റ്റ് ഭരണകൂടത്തിന്റെ യഥാര്ത്ഥ മുഖം ജനങ്ങള് തിരിച്ചറിഞ്ഞു.
-എസ്.എന്. വാഴകുന്നം, തിരുവേഗപ്പുറ.
