ഫ്‌ളോറിഡ: ന്യൂ ജഴ്‌സിയില്‍ ആഗസ്റ്റ് 30 മുതല്‍ സെപ്റ്റംബര്‍ 2 വരെ നടക്കുന്ന കേരള ഹിന്ദുസ് ഓഫ് നോര്‍ത്ത് അമേരിക്ക പത്താമത് ദ്വൈവാര്‍ഷിക ഹിന്ദു കണ്വെന്ഷന് ഫോളിറിഡയില്‍ ഗംഭീര ശുഭാരംഭം. കേരള ഹിന്ദുസ് ഓഫ് സൗത്ത് ഫ്‌ളോറിഡയുടെ തിരുവാതിര മഹോല്‍സവത്തിലായിരുന്നു ശുഭാരംഭ ചടങ്ങ്.
കെഎച്ച്എന്‍എ പ്രസിഡന്റ് രേഖ മേനോന്‍ തിരുവാതിര സന്ദേശം നല്‍കി. കലാപരിപാടികള്‍ കൊണ്ട് ശ്രദ്ധേയമായ ചടങ്ങില്‍ പഞ്ചാക്ഷരീ മന്ത്രാര്‍ച്ചന, എട്ടങ്ങാടി നിവേദ്യം, തിരുവാതിര, ഭക്തിഗാനസുധ തുടങ്ങിയവയും, പാരമ്പര്യത്തെ അനുസ്മരിപ്പിച്ച് തിരുവാതിരപ്പുഴുക്കും ഗോതമ്പ് കഞ്ഞിയും ഉണ്ടായി.
ആദ്യ രജിസ്‌ട്രേഷനുകള്‍ക്കൊപ്പം കൂടുതല്‍ പേരുടെ പങ്കാളിത്തവും യോഗത്തില്‍ വാഗ്ദാനം ചെയ്യപ്പെട്ടു. 2013 ല്‍ മികവാര്‍ന്ന രീതിയില്‍ കെഎച്ച്എന്‍എ കണ്വെന്ഷന് സംഘടിപ്പിച്ച ഫ്‌ളോറിഡയുടെ പിന്തുണ ന്യൂ ജഴ്‌സി കണ്വന്ഷന് അവശ്യമാണെന്ന് രേഖ മേനോന്‍ പറഞ്ഞു. 2019 ലെ കണ്‍വന്‍ഷനിലേക്ക് എല്ലാവരേയും സ്വാഗതം ചെയ്തു.
കേരള ഹിന്ദുസ് ഓഫ് സൗത്ത് ഫ്‌ളോറിഡ പ്രസിഡന്റ് ലീല നായര്‍, സെക്രട്ടറി എബി ആനന്ദ്, ട്രഷറര്‍ സദാശിവന്‍, കെഎച്ച്എന്‍എ മുന്‍ പ്രസിഡന്റ് ആനന്ദന്‍ നിരവേല്‍, മുന്‍ സെക്രട്ടറി സുരേഷ് നായര്‍, ട്രസ്റ്റി ബോര്‍ഡ് അംഗം മനോജ് കൈപ്പിള്ളി, ജോയിന്റ് ട്രഷറര്‍ ബിനീഷ്, 2019 കണ്വന്ഷന് കള്‍ച്ചറല്‍ ചെയര്‍ പേഴ്‌സണ്‍ ചിത്ര മേനോന്‍ തുടങ്ങി പ്രമുഖര്‍ സന്നിഹിതരായിരുന്നു.
പ്രതികരിക്കാൻ ഇവിടെ എഴുതുക: