കൊല്ക്കത്ത: ഐപിഎല്ലിലെ പഴയകാല പ്രകടനങ്ങള് പതിനൊന്നാം പതിപ്പിലും മുംബൈ ഇന്ത്യന്സ് ആവര്ത്തിക്കുകയാണ്. മുന് വര്ഷങ്ങളിലേതുപോലെ ആദ്യ മത്സരങ്ങളില് പതറിപ്പോയ മുംബൈ ഇന്ത്യന്സ് രണ്ടാം പകുതയില് ഉയിര്ത്തെഴുന്നേല്ക്കുകയാണ്.
തുടര്ച്ചയായ മൂന്ന് മത്സരങ്ങളില് വിജയം കുറിച്ച് അവര് പ്ലേ ഓഫ് സാധ്യതകള് സജീവമാക്കി. പതിനൊന്ന് മത്സരങ്ങളില് പത്ത് പോയിന്റുമായി അവര് നാലാം സ്ഥാനത്താണ്.
കൊല്ക്കത്തയിലെ ഈഡന് ഗാര്ഡനില് കൊല്ക്കത്ത നൈറ്റ് റൈഡേഴ്സിനെതിരേ നേടിയ 102 റണ്സിന്റെ തകര്പ്പന് വിജയമാണ് മുംബൈ ഇന്ത്യന്സിനെ പോയിന്റ് നിലയില് നാലാം സ്ഥാനത്തേക്ക് ഉയര്ത്തിയത്.
യുവ താരം ഇഷാന് കിഷന്റെ വെടിക്കെട്ട് ബാറ്റിങ്ങാണ് മത്സരം തങ്ങള്ക്ക് അനുകൂലമാക്കിയത്്. ആദ്യ മത്സരങ്ങളില് ശോഭിക്കാതെപോയ ടീം ഇപ്പോള് ഒത്തിണക്കത്തോടെ മികവ് കാട്ടുന്നതില് സന്തോഷമുണ്ടെന്ന് മുംബൈ ഇന്ത്യന്സ് ക്യാപ്റ്റന് രോഹിത് ശര്മ പറഞ്ഞു.
അടിച്ചുതകര്ത്ത കിഷന് 21 പന്തില് ആറ് സിക്സറും അഞ്ചുഫോറുമുള്പ്പെടെ 62 റണ്സ് നേടി. ഈ തകര്പ്പന് ബാറ്റിങ്ങ് മികവില് മുംബൈ ഇന്ത്യന്സ് 20 ഓവറില് ആറു വിക്കറ്റിന് 210 റണ്സ് നേടി.
മറുപടി പറഞ്ഞ കൊല്ക്കത്ത 18.1 ഓവറില് 108 റണ്സിന് പുറത്തായി. ലിന്നും റാണയും 21 റണ്സ് വീതമെടുത്തു.
മറ്റ് ബാറ്റസ്മാന്മാര്ക്ക് പിടിച്ചു നില്ക്കാനായില്ല. മുംബൈയ്ക്ക് വേണ്ടി ക്രുണാല് പാണ്ഡ്യയും ഹാര്ദിക് പാണ്ഡ്യയും രണ്ട് വിക്കറ്റുകള് വീതമെടുത്തു.
