കൊച്ചി: ഇന്ത്യയിലും ആസ്ട്രേലിയയിലുമുള്ള സ്റ്റാര്‍ട്ടപ്പുകളുടെ ആഗോള വളര്‍ച്ച ലക്ഷ്യമിട്ട് കൊച്ചിയും സിഡ്നിയും ആസ്ഥാനമായി പ്രവര്‍ത്തിക്കുന്ന ഇന്‍ക്യു ഇന്നവേഷന്‍ ഗ്ലോബലും ഓസ്ട്രേലിയയിലെ ടാങ്ക് സ്ട്രീം ലാബ്സും ധാരണാപത്രത്തില്‍ ഒപ്പിട്ടു.
ഇരുരാജ്യങ്ങളിലും യുഎഇയിലും അടിസ്ഥാന സൗകര്യങ്ങള്‍ നല്‍കാനും ഇരു കമ്പനികളും ഉദ്ദേശിക്കുന്നു. സിഡ്നിയിലും ദുബായിലും ബെംഗളൂരുവിലും ഒട്ടേറെ സ്റ്റാര്‍ട്ടപ്പുകള്‍ക്ക് പിന്തുണയേകിയ ഇന്‍ക്യു ഇന്നവേഷന്‍ ഈയിടെയാണ് കൊച്ചിയില്‍ ഓഫീസ് തുറന്നത്. ആസ്ട്രേലിയയിലും ഇന്ത്യയിലുമുള്ള സ്റ്റാര്‍ട്ടപ്പുകളുടെ പരസ്പര സഹകരണത്തിനും നിക്ഷേപങ്ങള്‍ ലഭ്യമാക്കുന്നതിനും പുതിയ പങ്കാളിത്തം സഹായിക്കുമെന്ന് ടാങ്ക് സ്ട്രീം ലാബ്സ് ഡയറക്ടറും സിഇഒയുമായ ബ്രാഡ്ലി ഡെലാമേര്‍ പറഞ്ഞു.
2012-ല്‍ സിഡ്നിയില്‍ ആരംഭിച്ച ടാങ്ക് സ്ട്രീം ലാബ്സ് മുന്നൂറിലേറെ വരുന്ന നവസംരംഭകരുടെ ആസ്ഥാനമാണ്. കമ്പനിക്കിപ്പോള്‍ സിഡ്നിയിലും പെര്‍ത്തിലുമായി മൂന്ന് ഓഫീസുകളുണ്ട്.
പ്രതികരിക്കാൻ ഇവിടെ എഴുതുക: