തിരുവനന്തപുരം: വേളാങ്കണ്ണിയിലുണ്ടായ വാഹനാപകടത്തില് മലയാളി കുടുംബത്തിലെ മൂന്ന് പേര് മരിച്ചു. രണ്ട് പേര്ക്ക് പരിക്കേറ്റു. പാലക്കാട് ചിറ്റൂര് സര്ക്കാര്പതി സ്വദേശികളായ കൃഷ്ണവേണി, ദിലീപ്, ആറുമുഖ സ്വാമി എന്നിവരാണ് മരിച്ചത്.
പരിക്കേറ്റ ഭഗവത്, ധരണി എന്നിവരെ നാഗപട്ടണത്തെ ആശുപത്രിയില് പ്രവേശിപ്പിച്ചു. ഇന്ന് പുലര്ച്ചെ രണ്ടരയോടെ ഇവര് സഞ്ചരിച്ചിരുന്ന കാര് മിനിലോറിയുമായി കൂട്ടിയിടിച്ചാണ് അപകടമുണ്ടായത്. വേളാങ്കണ്ണിയിലെ ക്ഷേത്രദര്ശനത്തിന് ശേഷം കാരക്കലിലെ ഒരു ക്ഷേത്രത്തിലേക്ക് പോകുന്നതിനിടെയാണ് അപകടം.
പ്രതികരിക്കാൻ ഇവിടെ എഴുതുക: