ഏറ്റുമാനൂര്: അവഗണനയ്ക്കെതിരെയും, മേഖലയെ തകര്ക്കുന്ന കരിനിയമങ്ങള്ക്കെതിരെയും ലൈറ്റ് ആന്ഡ് സൗണ്ട് വെല്ഫെയര് അസോസിയേഷന് ഓഫ് കേരള സമരത്തിനൊരുങ്ങുന്നു.
ലൈറ്റ് ആന്ഡ് സൗണ്ട്, പന്തല്, പരസ്യ പ്രക്ഷേപണ മേഖലയെ തകര്ക്കുന്ന കരിനിയമങ്ങള് പിന്വലിക്കുക, മേഖലയെ പ്രതിനിധീകരിക്കുന്ന ഉടമകള്ക്കും തൊഴിലാളികള്ക്കും അര്ഹമായ പരിഗണന നല്കാത്ത അധികാരി വര്ഗത്തിന്റെ അവഗണന അവസാനിപ്പിക്കുക, ഇഎസ്ഐ ആനുകൂല്യം ഏര്പ്പെടുത്തുക, ഓണ്ലൈനായി മൈക്ക് അനുവാദം നല്കണമെന്നുള്ള മനുഷ്യാവകാശ കമ്മീഷന്റെ ഉത്തരവ് നടപ്പിലാക്കുക എന്നീ വിവിധ ആവശ്യങ്ങളുന്നയിച്ചാണ് സമരപരിപാടി.
അസോസിയേഷന്റെ നേതൃത്വത്തില് കളക്ട്രേറ്റിനു മുന്നിലും 20ന് ധര്ണ്ണ നടത്തും. 26ന്സംസ്ഥാന കമ്മിറ്റി അംഗങ്ങള് സെക്രട്ടറിയേറ്റിന് മുന്നില് ഉപവാസം അനുഷ്ഠിക്കും.
